Сыртқы күмбезін ауада қалықтатқан метеорит бөлшегі жұртты шошытты

"Челябіден табылған метеориттің бір бөлшегі Оңтүстік Орал тарихи мұражайында сақталған. Ол берік қалың әйнек астына орналастырылған. Осы әйнек өздігінен қозғалып, жоғарыға көтерілді", - дейді мұражайдың қоғаммен байланыс бөлімінің қызметкері Юрий Богатенков, деп хабарлайды zakon.kz, РИА Новости-ге сілтеме жасап.

Ол бұл оқиғаның 14 желтоқсанда мұражайда адамдар жүрген кезде күндіз кенеттен болғанын айтады.

"Бірден күзетшілерді шақырдық. Олар қозғалып, көтерілген әйнекті өз орнына қойды. Бірақ, ол неге қозғалды, мұны ешкім түсіндіріп бере алмайды. Себебі де белгісіз. Өйткені, бұл арада техникалық ақау болмағанын біз жақсы білеміз", - деді ол.

Маман метеоритке ешқандай зақым келмегенін, басқа экспонаттар сияқты ол да өз орнында тұрғанын айтады.

Айта кетсек, РФ-ның Челябі облысында 2013 жылдың 15 ақпанында мыңдаған адам аспаннан зуылдап жерге түскен отты жарықты көрді. Куәгерлер әуе толқыны соққысынан ұшып кеткен. Бұл үлкен жарылыстың дыбысы сияқты болған. Метеориттің бөлшектері Шұбаркөл маңынан табылды. Бірақ, ең үлкені - 600 келілігі көл астынан табылған. Қазіргі уақытта ол Челябіде Оңтүстік Орал мемлекеттік тарихи мұражайындағы көрме залында арнайы әйнек күмбез астында сақтаулы. Оны кез келген адам көре алады.

Ғалымдар метеорит бөлшегін адамдардың ұстауына тыйым салған. Өйткені, оны қауіпті деп санайды. Онда зерттелмеген, танылмаған, Жерден тыс миллиондаған бактерия бар болып шықты.