5 жасар қыздың өлімі: Сарыағашта бұрынғы сот төрағасы, судья қызметінен босатылды

Бұған дейін Сарыағаштағы 5 жасар қыздың өліміне қатысты педофилді тексерген пробация қызметкері 2 жылға сотталған болатын.

Фото: Stan.kz

Қазақстан Республикасы Президентінің Жарлығымен Сарыағаш аудандық сотының бұрынғы төрағасы, судья Н. Шетенов қызметінен босталды, деп хабарлайды Skifnews.kz ақпарат порталы kaz.inform.kz -ке сілтеме жасап.

«Сарыағаш аудандық сотының судьясы Шетенов Нұрқазы Бектайұлы тәртіптік теріс қылық жасағаны үшін судья қызметінен босату қажеттілігі туралы Сот жюриінің шешімі бойынша босатылсын» - делінген Қазақстан Республикасы Президентінің Жарлығында.

Айта кетейік, бұған дейін Сарыағаштағы 5 жасар қыздың өліміне қатысты педофилді тексерген пробация қызметкері 2 жылға сотталған болатын.