Заң 31.12.2018 сағат 04:24  206

ҚР ІІМ Алматыдағы үш адамның өмірін жалмаған жол апатын өз бақылауына алды

Алматыда үш бірдей адамның өмірін жалмаған жол апатына қатысты тергеуді ҚР Ішкі істер министрлігі өз бақылауына алды деп хабарлады министрліктің ресми өкілі Алмас Сәдубаев.

ҚР ІІМ Алматыдағы үш адамның өмірін жалмаған жол апатын өз бақылауына алды
Бөлісу
Бөлісу
Бөлісу

Еске салайық, 29 желтоқсан күні таңертең Mercedes-Benz Gelandewagen жол талғамайтын автокөлігі бағдаршамның қызыл түсі жанып тұрғанына қарамастан аса жоғары жылдамдықпен қиылыстан жүйіткіп өтпек болып, Mitsubishi автокөлігін соққан болатын. Соққының қатты болғанынан зардап шеккен көлікте отырған төрт адамның үшеуі қайтыс болды. Олардың бірі көлік жүргізушісі болса, екеуі жолаушы. 

Mercedes-Benz автокөлігінің жүргізушісі мен жолаушылары оқиға орнынан қашып кеткен. Күні кеше Алматы қалалық полиция басқармасы қашқан жүргізушінің ұсталғанын айтты. Алайда, күдіктінің кім екенін жариялаған жоқ. Бұл өз кезегінде қоғам белсенділерінің наразылығын тудыруда. Экс-депутат және ҚР БҒМ бұрынғы вице-министрі Мұрат Әбенов, журналист Гүлжан Ерғалиева сынды азаматтар жол апатын жасаған жүргізушінің ықпалды адам болуы және жазадан сытылып кетуі мүмкін екенін жазуда.

Алайда, ҚР ІІМ ресми өкілі Алмас Сәдубаев министрлік аталған істі өз бақылауына алғанын мәлімдеді. 

"Марқұмдардың отбасына қайғыра көңіл айтамын. Ал, жарақат алған науқастың тезірек жазылып кетуін тілеймін. Тергеу бөлімі жол апатын жан-жақты тексеру үстінде және оған күмән келтіретін ешқандай себеп жоқ, іс бақылауда", - деді Сәдубаев.

Оқи отырыңыз

‡àãðóçêà...

Соңғы жаңалықтар