Заң 06.02.2019 сағат 11:15  339

Зорлап, өзін өлтіруге дейін жеткізген: Шымкентте 19 жастағы бойжеткеннің анасы сұмдық жайтты баяндады

19 жастағы бойжеткен 31 қаңтар күні 3-қабаттан секіріп, өзіне қол жұмсауға дейін апарған. Омыртқасы зақымданып, бас жарақатын алған.

Зорлап, өзін өлтіруге дейін жеткізген: Шымкентте 19 жастағы бойжеткеннің анасы сұмдық жайтты баяндады
Бөлісу
Бөлісу
Бөлісу

Еркін Кахаров есімді азамат өзінің Facebook парақшасында Аружан есімді бойжеткенді 18 қаңтар күні алып қашып кеткені жайлы жазған. 

«Бойжеткеннің 3-қабаттан секіруіне сол Сұлтан кінәлі. Одан кейін өзін Сүлейменмін деген Сұлтан 3 рет үйленбек болған екен.

Әйелінің 3-қабаттан секіргенін біле тұра, Сұлтан есімді ер азамат ешқандай шара қолданбаған. Танымайтын жандар 1 сағаттан кейін жедел жәрдем шақырған. Ал бойжеткеннің ата-анасы қызының өз-өзіне қол жұмсағанын бір күннен кейін барып қана білген. 

«Полицияға хабар берсеңдер өлтіреміз» деп жігіт пен оның ата-анасы өзіне қол жұмсаған бойжеткеннің ата-анасын қорқытқан», - деп жазды ол. 

Еуразия бірінші арнасына берген сұхбатында бойжеткен үйіндегілердің ұялы телефонына дейін тартып алғанын айтады. 

«Телефонымды тартып алды да өшіріп тастады. Сосын ақ орамал шығарды. Бір бөлмеге әйелдер жинап алған. Мен оларға келін болмайтынымды айттым. Тыңдаған жоқ», - дейді бойжеткен.

Аружанның анасы болса, қызының көз алдында өліп қала жаздағанын айтады. 

«Қызымның «Өз еркіммен қалдым» деген хатын көріп ештеңе демеген едім. Сөйтсем, олар қызымды қорқытып жаздырған екен», - дейді Аружанның анасы. 

 Қазір оқиғаға қатысты ҚР ҚК-нің 105-бабы («адамды өзін-өзі өлтіруге дейін немесе өзін-өзі өлтіруге баруға дейін жеткізу») бойынша сотқа дейінгі тергеу жүргізіліп жатыр. 

Оқи отырыңыз

‡àãðóçêà...

Соңғы жаңалықтар