Бүгін Apple жаңа iPhone смартфонын таныстырады - Жаңалықтар. Қазақстанның жаңалықтары. Skifnews.kz ақпараттық портал

Бүгін Apple жаңа iPhone смартфонын таныстырады

09.09.2014, 09:44
Сурет: appleinsider.ru Сурет: appleinsider.ru

Бүгін кешке Apple өзінің жаңа өнімдерінің таныстырылымын жасайды. Әзірге компания өкілдері нақты қандай тауардың тұсауы кесілетінін хабарлаған жоқ. Дегенмен, америкалық The Wall Street Journal басылымының хабарлауынша, Apple көпшілікке диагоналі 4,7 және 5,5 дюйм болатын жаңа iPhone смартфоны мен «ақылды» сағатты таныстырады, деп хабарлайды Baq.kz.

Экраны 4,7 дюйм болатын iPhone-ның пішіні көпшіліктің көзі үйренген, ұстауға ыңғайлы Samsung смартфондарының пішініндей. Ал, 5,5 дюйм болатын iPhone – планшеттен сәл ғана шағын, бірақ қарапайым смартфоннан үлкен. Сарапшылар оны Samsung Galaxy Note смартфондарына бәсекелес болады деп жоспарлап отыр.

Бағасына да тоқталсақ. Әдетте сатылымға шыққан бірінші күні iPhone-ның ең арзаны АҚШ-та 199 долларды құрайды. Ал, ең қымбаты – 399 доллар. Бірақ, бұл жолы жаңа смартфондардың бағасы әдеттегіден қымбаттау болуы мүмкін. Өйткені, телефон дисплейінде жасанды сапфир қаптамасы бар.

Сарапшылардың айтуынша, үлкен iPhone-ның жады 128 Гб болады. Сонымен қатар, смартфондарда Near Field Communication технологиясы қолданылмақ. Яғни, оның көмегімен телефонды банктың карточкасы ретінде пайдалануға болады. Ал, смартфонның бейнекамерасы алдыңғы iPhone-ның камерасынан әлдеқайда сапалы түсірілім жасауға мүмкіндік береді деп күтілуде. 

«Skifnews.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

E-mail: info.skifnews@gmail.com

Сайтта жарнама орналастыру

   

Skifnews жаңалықтарын Facebook-те
оқу үшін "Нравится" белгісін басыңыз

  

 

Яндекс.Метрика

©2016 Skifnews.kz. Авторлық және жарнама құқықтар толығымен сақталады.

DivideGroup — сайт әзірлеуші