Арыстықтармен жеке кездесуге Алтынбек Қоразбаев, Майра Ильясова, Нұрлан Албан, Мөлдір Әуелбекова, Алмас Алтынбеков, Асхат Садырбай, Сәкен Майғазиев, Бағлан Әбдірайымов, Жанболат пен Жазира, «Өнер қырандары» және тағы да басқа әртістер келген.

Шымкент: Ассамблея мүшелері Арыс қаласынан эвакуацияланған азаматтарға көмек көрсетіп жатыр

Шымкент қаласы және Түркістан облысындағы Ассамблея мүшелері Арыс қаласынан эвакуацияланған азаматтарға жан-жақты көмек көрсетіп жатыр. Бүгін таңертеңнен бері Шымкенттегі №53, 56, 61, 122, 26 мектептерде, №1 саңырау балаларға арналған интернатта орналасқан 821 адамға ыстық тамақ, азық-түлік, тұрмысқа қажетті заттар жіберді.

Шымкентте Арыс тұрғындарына жан-жақты жедел көмек көрсетіліп жатыр

Түркістан облысы Арыс қаласында төтенше жағдай жариялана салысымен Шымкентте ауқымды «Көмек қолы» іс-шарасы жарияланды. Тез арада құрылған арнайы штаб тәулік бойғы тәртіпте жұмыс істеуде. Оның құрамына Шымкент қаласы әкімдігінің, полиция және төтенше жағдай департаменттерінің, «ҚТЖ» АҚ өкілдері, құтқарушылар кірген.

Шымкентте жедел штаб тәулік бойы жұмыс атқарып жатыр

Түркістан облысының Арыс қаласында орын алған жағдайға байланысты Шымкент қаласы ТЖ департаментінің Дағдарыс орталығында жедел штаб 2 тәулік бойы тұрақты жұмыс атқаруда. Штабтың құрамында ҚР ІІМ Шымкент қаласы ТЖ департаментінің жеке құрамы, Полиция департаментінің, Шымкент гарнизоны әскери полиция бөлімінің, ҚР Ұлттық Ұлан 6506 әскери бөлімінің, қалалық ішкі саясат және дін істері, денсаулық сақтау, жолаушылар көлігі және автомобиль жолдары, кәсіпкерлік және индустриалды-инновациялық даму, ауыл шаруашылығы және ветеринария басқармалары мен қала әкімі аппаратының құқық қорғау жүйесі бөлімінің, "ҚазақстанТемірЖолы" АҚ-ның өкілдері қызмет атқарып жатыр.