Соңғы жаңалықтар

Фото
Екі күннен бері әлі жоқ: Алматы жақта мектептен оралмай қалған екі қыз табылмай жатыр

Екі күннен бері әлі жоқ: Алматы жақта мектептен оралмай қалған екі қыз табылмай жатыр

Полициядағылар іздеу жұмыстары облыстық департамент басшылығының бақылауына алынғанын айтты.

«Қазақмыс» кәсіпорнының басшысына шабуыл жасаған кісі мәслихат депутаты болған

Кәсіподақ маманы мен бас директордың арасындағы араздықтың себебі, Тәжбеновті кәсіподақ басшысы қызметінен босату ниеті болған.

Ерлі-зайыптылар сатып алған ескі диванның ішіне 43 мың доллар жасырылған

Бірақ, ол ақшаны өзіне алып қалуға қарсы болған. Адвокат заң бойынша тұтынушы сатып алған заттың ішіндегі дүние өзіне ғана тиесілі екенін айтса да, дегенінен қайтпаған.

Эксклюзив! Бүгін желіге түсініксіз жазбалар қалдырған Айсұлтан Назарбаев тікелей сұхбатқа шықты

– Сіз атаңыздың сізбен байланысқанын күтіп жүрсіз. Ол сізге не айтуы керек? – Көп жылдан бері біздің отбасымызда көптеген жағдайлар болды және ол бүкіл мемлекетке әсерін тигізді. – Сіз клиникаға емделуге келдіңіз бе? – Жоқ, мен клиникаға жасырыну үшін келдім...

«Абайға арналған кеште Абайды таба алмадық... Парадокс...» - «Нұр Отан» партиясының мүшесі

Мұндай әртүрлі жанр үлгілерін топтастырып, өзара қиюластырып, домбайлап қоюды концерт ұйымдастырушы мамандар тілінде «солянка» деп айтады. Ал мына қойылым сол «солянкаға» да тартпай қалды... Бір сөзбен айтқанда, «ботқа» болды!

Ресейде қазақстандық подполковникті өлтіріп кетті

Шабуыл болған жерде ешқандай бейнебақылау камералары болмаған.

Алматыда «Киелі Алтай» фотокөрмесі ашылды

Бұл көрмеде жастардың фотосуреттері қойылған екен, болашақта осылардың арасынан мықты фотографтар шығады деп сенім білдірген «National Geographic Qazaqstan» журналының өкілі қара шаңырақтағы қуанышпен құттықтады.

Аяқ киім түсі мен тәтті тағамның үйлесімділігі жұрттың назарын аударды

Ол аяқ киімдерінің фонына тәттілерді түсіріп, ерекше суреттер жариялайды.

«Даусың басыңа сыймай тұрған ғой»: Димаштың бала кезіндегі суреті желіде қызу талқыланып жатыр

Әлем жұлдызына айналған Димаш Құдайберген бала кезіндегі суретін жариялады. Өнер иесінің фотосы желіде қызу талқыланып жатыр. 

«Тоқаев жайлы сұрайды»: Зейнеткерлер президент туралы ақпарат іздеп, Ұлттық кітапханаға барған (ФОТО)

Қасым-Жомарт Тоқаевтың мемлекеттің басшылығы қызметіне тағайындалғаннан бері  Нұр-Сұлтанның Ұлттық кітапханасына ол туралы  ақпарат іздеп келушілер қатары күрт өскен. Кітапхана қызметкерлері президенттің өмірбаянынына қатысты тың ақпарат іздеуші зейнеткерлердің көп екендігін айтады. Ал цифрлық ақпарат көзіне жүгінетін жастар көбіне Тоқаевтың кітаптарын іздеп келеді екен. Ол тек сыртқы саясатты ғана емес, әдеби шығармаларды да жазған автор. 

«Біздің сайтта президенттің  электронды нұсқадағы шығармалары бар. Статистикаға жүгінетін болса, соңғы айда оқырман қатары көбейгендігін аңғаруға болады», – дейді Ұлттық кітапхананың құжаттарды өңдеу бөлімінің жетекшісі Нұрбала Текесбаева. 

Оның айтуынша келушілерге арнайы мемлекет басшының электронды каталогы жасалған. Оқырмандар бұл шығармаларға үйде отырып-ақ онлайн-тапсырыс беріп, кейін оны Ұлттық кітапханада ала алады. 

«Біздің қорда Қасым-Жомарт Тоқаевтың  мыңнан аса ақпарат-шығармалары бар», –  дейді кітапхана жетекшісі.

Оның сөзінше соңғы уақытта Ұлттық кітапханаға арнайы жаңа президент туралы ақпарат іздеп, өмірбаянына шолу жасағысы келетін зейнеткерлердің қатары көбейген. «Зейнеткерлер Тоқаевқа қатысты газет-журналдардың тігіндісін сұрайды», – деп Нұрбала Текесбаева сөзіне дәйек келтірді.

Оқырмандардың ыңғайлы болу үшін кітапханада Тоқаевтың бүкіл еңбектері мен шығармалары, мақалаларының басын қосып көрме ұйымдастырылған. Мұнда тіпті «Казахстанская правда» газетіне 1996-98 жылдар аралығында президенттің қоғамдық-сяси қызметі тұсындағы мақалалар да бар. Сондай-ақ бізге «Дипломатический курьер» журналы келеді. Оны да көпшілігі қолға тигізбей оқиды. Халықаралық қатынастар мамандығындағы студенттер мен ұстаздар да президенттің кітаптарын жиі сұрап келеді», – дейді ол.

Бұл кітаптаран Тоқаевтың  Сыртқы істер министрі болған кезінде көпшілік алдында айтқан сөздерін оқуға болады. Бірақ Тоқаевтың қаламынан тек дипломатия туралы кітаптар туған жоқ. 

«Мысалы мына «Слово об отце» кітабында ол әкесінің тағдырын керемет суреттеп жазған. Кемел Тоқаев ерте жастан жетім қалған.  Соғысқа қатысқан. Архивтың құжаттарға сүйенсек оның Отан алдындағы борышын өтегені үшін берілген төсбелгілерінің бар екендігін растайды. Бұл кітаптың тілі жеңіл, өте оңай оқылады», – деп Нұрбала Текесбаева әңгімесін жалғастырды. 

Кіші Тоқаев әкесінің балаларға арналған газетте тілші болып жұмыс жасай жүріп жазған алғашқы кітабы туралы жақсы жазған. Кітапта сол кездегі жастардың өмірі келтірілген. Сонымен қатар ол басты кейіпкерлері тәртіп сақшылары болған кітап жазған.  Оның шығармалары қазақ тілінде жазылғанымен, ол орыс тілінің аудармасына тікелей араласып отырған.  Қасым-Жомарт Тоқаев әкесінің жас кезінен орыс жазушылары мен классикерінің шығармаларымен сусындап өскенін айтады. 

Кітапта президенттің жеке архивінен алынған суреттер көп.  Онда әкесінің отбасымен, қыземеттегі әріптестерімен түскен суреттері бар.

Оларды парақтай отырып Қасым-Жомарт Тоқаевтың бала кезіндегі суреттерін де байқауға болады. Ақ-қара суреттен болашақ мемлекет басшысын аңғару қиын. Тек сурет астындағы жазулар ғана кейіпкерлерден хабар береді.  

Осылайша  өткен ғасырдың белгілі жазушысы, шытырман оқиғалар  мен детективті шығармалардың негізін қалаушылардың бірі болған Кемел Тоқаевқа көрмеде бөлек орын берілген. 

«Мына кітап 1972 жылы 50 мың тиражбен шыққан. Бұл дегеніңіз қазіргілермен салыстырғанда өте көп. Кеңес одағы тұсында кітаптардың барлығы дерлік өте көп тиражбен тараған. Өйткені ол кезде халық кітапты жақсы оқитын. Кітаптар баспадан шыға салысымен кітапханаларға бірден таратылатын еді. Ал қазір кітаптар аз тиражбен шығарылады. Орташа есеппен тек 2-5 мың дана», –  дейді Ұлттық кітапхана қызметкері. Өткен жылы Кемел Тоқаевтың шығармалары бес томдық етіліп,  баспадан қайта шығарылған.

Ал мынау  мемлекет басшысының ұлы, саяси ғылымдар кандидаты Тимур Тоқаевтың  кітабы. Ол «Внешнеполитические приоритеты Республики Казахстан» деп аталады. Ол баспадан сегіз жыл бұрын шыққан.  Кітап мазмұнында автордың бұған дейін жарияланбаған материалдары негізге алынғандығы жазылған. 

Ол өзінің кітабында тәуелсіз Қазақстанның саясатының кезеңдеріне жеке-жеке тоқталған.  Тимур Тоқаев Қазақстан шекарасының заңды белгіленуі  мен Каспий мәртебесіне қатысты келіссөздер жайлы кітабында жақсы айтқан.