12 сәуірде Маңғыстау облысында Қазақстан президенті Қасым-Жомарт Тоқаев мәслихат депутаттары, ардагерлер, бизнесмендер және жастармен кездесуде Жаңаөзен тұрғындарының мәселелері жайлы айтты деп жазады Азаттық.

Алматыда 10 мыңнан астам адам жұмыссыз қалуы мүмкін. Бірнеше жылдан бері қызмет көрсетіп келген базардың аяқ астынан қызыл сызыққа шығып кеткені анықталып, жүзге жуық техникалық қызмет көрсету орталығын бұзу туралы сот шешімі шыққан. Ол аздай мыңдаған адам нәпақасын тауып жүрген базар да жабылуы мүмкін дейді саудагерлер, деп хабарлайды «Еуразия бірінші арнасы».

2 наурызда Жаңаөзен тұрғыны, қаладағы жұмыссыздық мәселесін көтеріп жүрген белсенді Ержан Елшібаев өзін полиция қызметкерлерінің "күдікті" ретінде үйінен ұстап алып кетпек болып отырғанын хабарлады. Оқиға орнына барған Азаттық тілшісі белсенді үйінің алдында екі полиция қызметкерінің жүргенін көрді.

Олар "ақпанның 27-інен 28-іне қараған түні әкімдік ғимаратынан бірнеше ноутбук ұрланғанын" айтып, осы оқиға бойынша азаматтардан түсініктеме алу үшін оларды полиция бөлімшесіне шақырып жүргенін айтқан. Бірақ оларда Елшібаевқа беретін шақырту қағазы болмаған.

"Мұндай нәрсе бірінші рет болып отырған жоқ. Осымен [полициядан] маған үшінші рет келіп отыр. Жұмыс сұрап жүрген жаңаөзендіктердің мәселесін көтергенім үшін қудалағысы келеді" деді Ержан Елшібаев.

Ал полиция қызметкерлері мұны жоққа шығарып, "тек Елшібаев қана емес, өзге азаматтарды да шақырып жатқанын" жеткізген.

- Оны күдікті ретінде танып жатқан жоқпыз. Бұрын сотталғандар арасында бар болғандықтан, (жоғалған ноутбукта жұмыссыздар жайлы мәлімет болған - полиция) жұмыссыздар тізімінде болғандықтан шақырып отырмыз. Біздің міндетіміз - ұрлықшыны табу, - деді өзін Мәлік Ілесбаев деп таныстырған Жаңаөзен қалалық ішкі істер басқармасының өкілі.

Тілшімен бірге қалалық ішкі істер басқармасына барған Ержан Елшібаев Жаңаөзен қалалық ішкі істер басқармасының бастығы Болатбек Ақшауовпен кездесті. Белсенді өзін полиция қызметкерлерінің қудалауына байланысты шағымданды. Ал Ақшауов белсендіге "енді ешкім мазаламайтынын" айтып, "бара бер" деді.

Жаңаөзен қаласында қауіпсіздік шаралары әлі күшейіп тұрғандықтан оқиғаны тікелей эфирде түсіруіне мәжбүр болған.

Жаңаөзен тұрғындары бірнеше аптадан бері қаладағы жұмыспен қамту және әлеуметтік бөлім ғимаратының (бұрынғы "Неке сарайы") алдына жиналып, мұнай саласында жұмыс тауып берулерін сұрап келеді. Тұрғындар наразылығынан соң ізінше оларға қысым жасалып жатқаны туралы ақпарат пайда болған. Бірақ полиция бұл ақпаратты жоққа шығарды. Ақпанның 27-сі күні Жаңаөзендегі жұмыссыздық мәселесі туралы хабар дайындау үшін барған Азаттық тілшілері Сәния Төкен мен Санат Нұрбековті полиция ұстап, бес сағаттан астам бөлімшеде тергеген.

Бұған дейін Маңғыстау облыстық прокуратурасы 23-25 ақпан аралығында Жаңаөзенде "қоғамдық тәртіпті бұзды" деген айыппен 16 адамның жауапқа тартылып, 5-7 күнге қамауға алынғанын хабарлаған.

2018 жылдың қараша айындағы жағдай бойынша, Қазақстанда жұмыссыздар саны 444,7 мың адамды құрады. Бұл - еліміздегі жалпы жұмыс күшінің 4,9 пайызы (биылғы жылдың қазанында - 4,8 пайыз болды) деп хабарлайды ҚР Ұлттық экономика министрлігі Статистика агенттігі.

ҚР Премьер-Министрі Бақытжан Сағынтаев Үкіметтің жаңа жұмыс орындарын ашуға қатысты жоспарын жариялады деп жазады ҚазАқпарат.

Қазақстанда жұмыссыз жастар саны екі есеге артты. Бір жыл ішінде жұмыспен қамту мәселелерін бастан кешкен жастардың саны 4,5 пайызға артып, 84 мыңға жетті. Бұл туралы finprom.kz сайты жазады.

Бүгін халық алдында есеп берген Ақтөбе облысының әкімі Бердібек Сапарбаев жұмысқа тұрғысы келмей, ата-анасының мойнында масыл боп отқан жас жігіттерді сынап тастады.