Белгілі әнші Ернар Айдар өнер жолында жүрген және соңғы уақытта хайп қуып, соған баса назар аударған қыздарды сынға алды. Айтуынша, аруларымыз ешкімнің сөзін елемейтін болған және ашық-шашық жүретін болып барады. Бұл туралы ол «Алматы» телеарнасындағы «Әңгіме болсын» бағдарламасында сөз етті.
Бірнеше күн бұрын жалаңаш денесіне қазақтың ұлттық бұйымдарын тағып суретке түскен тараздық ару әлеуметтік желілерді шулатқан еді. Көпшілік оны сынның астына алып, қазақтың ұлттық әшекейлерін қорламауға шақырған. Ал, бірер күн бұрын дәл сол бойжеткен тағы жалаңаштанып, елімізді ұлы мереке - Тәуелсіздік күнімен құттықтады.
Соңғы кездері жалаңаштанып, ерсі қылық істеп танымал болуға құмар қыздар көбейіп келеді. Осылай деп белгілі тележүргізуші Асхат Садырбай дабыл қағып, оларды ақылға шақырды.
