Тау шаңғысы курортында қонақ үй өртеніп, 10 адам қаза тапты

Алдын ала мәлімет бойынша қонақ үйде 300-дей адам болған.

Фото: qazaqstan.tv

Түркияның Болу провинциясындағы Карталкая тау шаңғысы курортында 7 қабатты қонақ үй өртеніп, 10 адам қайтыс болды, деп хабарлайды Skifnews.kz ақпарат порталы.

Өрт кезінде жоғары қабаттан секірген, түтінге тұншыққан 32 адам ауруханаға жеткізілді.

Жергілікті уақытпен түнгі сағат 03:00 шамасында қонақ үйдің бірінші қабатындағы мейрамханада басталған өрт аз уақытта жоғары қабаттарға жеткен.