Миллиардер Билл Гейтс Microsoft компаниясының басшысы кезінде жасалған ең үлкен қателігін айтты, деп хабарлайды Политэксперт.
Оның айтуынша, смартфондарға арналған iOS баламасын Google емес, Microsoft жасауы керек еді, себебі Apple корпорациясымен бір ғана операциялық жүйе бәсекелесе алады.
Бұл туралы Билл Гейтс Village Global венчурлық қорының жиынында айтты. Ол бағдарлама қамту нарығында сапалы тауарды бірінші таныстырған компания ғана жеңімпаз атанатынын айтып өтті. Сол себепті Google Microsoft-тың алдын ораған. Миллиардер әлі күнге дейін осыған байланысты өкінетінін жасырмады.