$ 444.22 € 476.38 ₽ 4.82
Еуропалық ғалымдар мен метеорологтар осында болжам жасады, деп жазады Stan.kz The Washington Post басылымына сілтеме жасап.
Мамандардың сөзінше, Гренландия маңындағы және Орталық Еуропа үстіндегі қысымның жоғарылығы аптап ыстыққа себеп болып отыр. Олар ауаны салқындататын циклондарды бөгеп, испаниялық және африкалық шөлдерден ыстық массаларды өткізеді. Нәтижесінде ыстық ауа пайда болып, күн қатты ысып, найзағай ойнайды.
Потсдам университетінің климатологы Стефан Рамсторфтың сөзінше, ауа температурасының көтерілуі «үнсіз жаналғыш» болып табылады. Ғалым 2003 жылы аптап ыстық салдарынан 70 мың еуропалықтың, ал өткен жылдың жазында Германияда кемінде мың адамның қайтыс болғанын еске салды.
Күннің қатты ысуы Еуропаның батыс және орталық бөліктерінде байқалатын болады. Испания, Францияның кей аудандарында бірнеше күн бойы ауа температурасы 40 градустан жоғары болуы мүмкін.
Испаниялық метеоролог Сильвия Лаплана алдағы ауа райын «тозаққа» теңеді. Мадридте ауа температурасы 40,6 градусқа жетеді деген болжам бар.
