Той күні қарсаңында қалыңдық жол апатынан қаза тапты

27 маусым күні кешке Тәжікстанда тұрмысқа шығуға дайындалып жүрген қалыңдық жол апатынан көз жұмды. Бұл туралы "Ахбор" сайты хабарлады деп жазды sputniknews.kz.

Трагедия ел астанасы Душанбеден 70 километр жерде орналасқан Нурек қаласында болды. «Мерседес» көлігі қалыңдық отырған «Опель-Астрамен»,  содан кейін «Лассетимен» соқтығысқан.

Гулрухсор Назарзода көптен күткен тойына дайындық жасап жүрген. Сол күні базардан тойға қажетті заттарды, оның ішінде қалыңдық көйлегін сатып алып, үйіне қайтып келе жатқан.

Қыздың тойы 28 маусымға жоспарланған екен. Ал одан бұрын қалыңдық пен күйеу жігіт некеге отыруы тиіс болған.

Жол апатынан сондай-ақ «Опелдің» жүргізуші көз жұмды, ал қалыңдықтың анасы ауыр жарақат алып, комаға түсті.