Қытайдың Орталық метеорологиялық қызметі Лекима тайфунының жақындауына байланысты дабылдың ең жоғарғы деңгейін жариялады, деп хабарлайды «Хабар 24» арнасы.
Қазір тайфун - Қытайдың Чжэ-цзян провинциясы жағалауынан 365 шақырым жерде. Синоптиктердің болжамына сай, ол сағатына 20 шақырым жылдамдықпен солтүстік-батысқа жылжып барады. Сөйтіп сенбі күні таңертең Чжэцзян провинциясының жағалауына желдің ең жоғары күші 16 баллмен жетеді. Осыдан кейін ол бірте-бірте әлсіреп, солтүстікке қарай бет алады. Синоптиктер циклон салдарынан Қытайдың оңтүстік-шығыс аудандарында қатты дауыл соғып, жаңбыр жауады деп ескертуде. Сондықтан кемелерге теңізден қайтып оралуға және тұрғындарға қауіпсіз жерлерде қалуға ұсыныс берді.