Атамбаевтың ұлы Сейтек ағасы ұсталды деген ақпаратқа қатысты пікір білдірді

Қырғызстанның бұрынғы президенті Алмазбек Атамбаевтың ұлы Сейтек ағасы Сейітбек ұсталды деген ақпаратқа қатысты пікір білдірді, деп хабарлайды Sputnik Қырғызстан.

"Құрметті қырғыз халқы, мені ешкім ұстаған жоқ. Ағам Сейітбек ұсталды деген ақпаратқа қатысты айтарым, оны жауап алуға шақырды, бірақ, көп кешіктірмей оны босатты", - деп жазды Сейтек Атамбаев инстаграмдағы парақшасында.

Ол адамдарды арандатушылыққа еріп кетпеуге шақырды.

7 тамыз кешке Кой-Таш ауылында арнайы жасақ Атамбаевты ұстау операциясын жүзеге асырмақ болды. Алайда, бұрынғы мемлекет басшысының жақтастары оларға тойтарыс берді. Салдарынан ондаған адам зардап шегіп, бір сарбаз қаза тапты. Бұдан бөлек, Атамбаевтың жақтастары арнайы жасақтың алты сарбазын кепілге алды.

8 тамызда Ішкі істер министрлігінің қызметкерлері Атамбаевтың үйіне апаратын жолды жауып, наразылық білдірушілерді жас ағызатын газбен таратып жіберді. 19.30 кезінде экс-президент келіссөздерден кейін ұсталды.