Аустралияда өршіп тұрған орман өртінен Сидней күлге айналды

Аустралияда өршіп тұрған орман өрті салдарынан Сидней жағажайы күлге толды. Өңірге ағылған туристер суға түсе алмай жатыр, деп жазады 24.kz.

Өйткені судың түсі қап-қара түске боялған. Жергілікті билік орман өртінің залалы артып отырғанын айтады. Өрт сөндірушілер тілсіз жауды ауыздықтай алмай әлек. Оған күн райының қолайсыздығы себеп. Қызыл жалынды өшіру үшін 1 мың 600 маман жұмылдырылды. Синоптиктер алдағы күндері аймақта ауа температурасы 40 градусқа дейін көтеріледі деп болжам жасап отыр.