$ 443.85 € 474.3 ₽ 4.8
Пәкістандық 27 жастағы балуан Арбаб Хизер Хайат өзіне жар іздейтінін мәлімдеді, деп хабарлайды Skifnews.kz ақпарат порталы, rambler.ru-ға сілтеме жасап.
Талап бойынша, болашақ жарының салмағы 100 келіден асуы тиіс. Өзі 198 сантиметр болғандықтан, әйелдің бойы да 193 сантиметрден кем болмауы керек екен.
Хаяттың айтуынша, ол соңғы жылдары 200-ден астам қыздан бас тартқан. Өйткені, олар оған «өте арық» болып көрінген. Өзі егер әйелі нәзік болса, оны салмағымен езіп аламын деп қорқады екен.
«Ата-анам менің үйленгенімді қалайды. Олар немере сүйгісі келеді. Бірақ, мен әлі жар таба алмадым», - дейді алып жігіт.
Әйелге тамақ жағынан да талап қойылып отыр. Себебі, балуан күніне 10 мың килокалория тұтынатын көрінеді. Тек таңғы астың өзіне 36 жұмыртқа мен бірнеше кесе күріш жейді. Бір тәулікте 3 келі ет, 5 литр сүт және бірнеше тостаған күріш алады. Бірақ, денсаулығында ешқандай кінәрат жоқ.
