Коронавирустан өлгендердің денесі пакетке салынып жерленеді

Марқұмдардың денелері дезинфекцияланып, ашылуға рұқсат етілмеген герметикалық пакеттерге салынатын болады.Қытай билігі коронавирустан қайтыс болған науқастардың денелерін арнайы бөлінген крематорийлерде көмуге бұйрық берді. Бұл туралы Синьхуа агенттігі хабарлаған.

"Қытай Халық Республикасының Денсаулық сақтау мемлекеттік комитетінің кеңселері, ҚХР Азаматтық әкімшілік министрлігі және ҚХР Қоғамдық қауіпсіздік министрлігі бірлесіп шығарған мәтінге сәйкес, науқастардың сүйегі провинциялық деңгейде әртүрлі әкімшілік бөлімшелер арасында тасымалданбауы тиіс және жерлеу жолыме немесе басқа да тәсілдермен сақталмауы керек", – делінген хабарламада.

Қайтыс болғандардың денелерін ережеге сәйкес медициналық қызметкерлер дезинфекциялауы және герметикалық жабылатын пакетке орналастыруы тиіс, оны желімдегеннен кейін ашуға рұқсат етілмейді.

Құжатта жерлеу бюролары белгіленген маршрутқа сәйкес денелерді тасымалдауға арналған арнайы персонал мен көлік құралдарын жөнелтуі тиіс, ал денелер арнайы бөлінген крематорийлерде кремделген күйде болуы керек. Бұл ретте қоштасу рәсімі сияқты жерлеу рәсімдеріне тыйым салынады.

Дереккөз: Bugin.kz