Мәскеу түбіндегі Клин ауданында Ми-8 әскери тікұшағы құлады, деп жазады КТК арнасына сілтеме жасаған Skifnews.kz ақпарат порталы.
Бұл мәліметті сейсенбі күні РФ Қорғаныс министрлігі журналистерге берген.
"19 мамыр күні Мәскеу уақытымен 20:00 шамасында оқу-жаттығу ұшуын орындау кезінде Клин елдімекенінен 20 км жерде Ресейдің Әуе-ғарыш күшіне тиесілі Ми-8 тікұшағы иен далаға құлады. Экипаж түгел қаза тапты", - деп хабарлайды ведомстводан.
Қорғаныс министрлігінің мәліметіне сай, ӘҒК Бас қолбасшылығының комиссиясы оқиға орнына аттанды. Алдын ала дерек бойынша, апат техникалық ақау салдарынан болған.