Әлем 14.11.2020 сағат 11:45

Путин Таулы Қарабақтағы соғыста қанша адамның қаза тапқанын айтты

Ресей, Әзербайжан және Армения басшылары Владимир Путин, Ильхам Әлиев пен Никол Пашинян 10 қарашада Таулы Қарабақтағы әскери операцияларды толық тоқтату туралы бірлескен мәлімдемеге қол қойды.
Путин Таулы Қарабақтағы соғыста қанша адамның қаза тапқанын айтты
Бөлісу
Бөлісу
Бөлісу

Таулы Қарабақтағы соғыс кезінде төрт мыңнан аса адам қаза тауып, сегіз мыңнан аса адам жарақат алған. Мұндай мәліметтерді Ресей президенті Владимир Путин осы аймақтағы гуманитарлық мәселелерді шешуге арналған кеңесте айтты, - деп хабарлайды Tengrinews.kz, РИА Новости дерегіне сілтеме жасап.

Путин Таулы Қарабақ аймағында гуманитарлық жағдай қиын екенін, қақтығыстар нәтижесінде гуманитарлық инфрақұрылым мен мәдени нысандар қирағанын айтты.

"Таулы Қарабақ ауданында күрделі гуманитарлық мәселелер туындады. Бұл туралы бізге қазір хабарланды. Соғыс салдарынан құрбан болғандардың саны, оның ішінде бейбіт тұрғындар арасында төрт мыңнан асты, сегіз мыңнан аса адам жарақат алды, босқындардың саны әр түрлі мәліметтер бойынша ондаған мыңға жетті. Азаматтық инфрақұрылым, көптеген мәдени нысан қирады", - деді Владимир Путин.

Ресей, Әзербайжан және Армения басшылары Владимир Путин, Ильхам Әлиев пен Никол Пашинян 10 қарашада Таулы Қарабақтағы әскери операцияларды толық тоқтату туралы бірлескен мәлімдемеге қол қойды. Мәлімдемеге сәйкес, бірқатар аудан Әзербайжанның бақылауына өтеді, екі тарап тұтқындармен алмасады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар