Әлем 27.10.2021 сағат 11:20

Коронавирус: Қытайда миллион тұрғыны бар қала карантинге жабылды

Қалада такси және қоғамдық көлік жұмыс істемейді. Теміржол вокзалында жетпіске жуық рейс уақытша тоқтатылған.
Коронавирус: Қытайда миллион тұрғыны бар қала карантинге жабылды
Фото: ашық дереккөз
Бөлісу
Бөлісу
Бөлісу

Қытайдың солтүстік-батысындағы Ланьчжоу қаласында (Ганьсу провинциясының әкімшілік орталығы) коронавирустың өршуіне байланысты қатаң карантин жарияланды, деп хабарлайды Stan.kz ақпарат агенттігі "Синьхуа" агенттігіне сілтеме жасап. 

Қалада такси және қоғамдық көлік жұмыс істемейді. Теміржол вокзалында жетпіске жуық рейс уақытша тоқтатылған. Олардың қатарында Пекин мен Сиань қалаларына бағытталған рейс те бар.

China Southern Airlines әуе компаниясының өкілі журналистерге Пекин мен Ланьчжоу арасында әуе рейсінің де тоқтатылғанын айтты. Үкімет әзірге әуе тасымалының қай кезде қайта басталатынын хабарламады. 

25 қазанда Ганьсу провинциясында 51 COVID-19 жұқтыру жағдайы тіркелді. Ал Ланьчжоуда алты жағдай анықталған. 18 қазаннан бастап әкімшілік орталықта 39 жағдай тіркелген. 

17 қазаннан бастап Қытайдың 11 провинциясында жүзден аса коронавирус жұқтыру дерегі анықталған. Вирустың өршуін "дельта" штаммымен байланыстырады. Қытай билігі қазіргі уақытта коронавирус жұқтырғандарды жедел оқшаулап, елде инфекция тарауын тоқтатуға тырысып жатыр. Сонымен қатар үкімет нұсқаулығын орындамаған азаматты қызметінен шектетеді немесе түзету жұмыстарымен жазалайды. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар