Әлем 21.12.2021 сағат 17:20

Филиппинде тайфуннан қаза тапқандар саны 400-ге жетті

Тайфуннан елдің 1 миллионға жуық тұрғыны зардап шекті.
Филиппинде тайфуннан қаза тапқандар саны 400-ге жетті
Бөлісу
Бөлісу
Бөлісу

Филиппинде «Раи» тайфунынан қаза тапқандар саны 375 адамға жетті, тағы 56 адам хабар-ошарсыз кетті. Мұндай мәліметті Филиппиннің ұлттық полициясы жариялады. Бұл туралы Azattyq Rýhy Синьхуа агенттігіне сілтеме жасап хабарлайды.

«Зардап шеккен аймақтардағы құрбандар саны туралы ақпарат әлі де нақтылануы керек», - делінген полиция есебінде.

Онда Филиппинде ең жойқын тайфунның салдарынан Орталық Висай аралдары мен Минданао аралының солтүстік-шығысындағы Карага аймағының тұрғындары қаза болғаны айтылған.

Табиғи апаттардың қаупін азайту және тәуекелдерді басқару жөніндегі ұлттық кеңес (NDRRMC) бүгін 58 адам қаза тапқанын хабарлады, олардың тек 4-еуінің өлімі расталды. Тағы 18 адам әлі де хабар-ошарсыз кеткен.

Филиппиннің орталық бөлігінде «Раи» тайфунынан ең көп зардап шеккен аймақтардың бірі Бохоль провинциясында 94 адам қайтыс болды, тағы кем дегенде 18 адам хабар-ошарсыз кетті. Бұл туралы провинция губернаторы Артур Яп хабарлады.

NDRRMC тайфуннан елдің 1 миллионға жуық тұрғыны зардап шеккенін, 442 424 адам эвакуацияланғанын хабарлады.

Ведомствоның алдын ала бағалауы бойынша, ауыл шаруашылығына түскен зиян 118,28 млн песо (2,4 млн АҚШ долларын), ал инфрақұрылымға – 225,17 млн песо (4,5 млн АҚШ долларын) құрайды.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар