«Жеті жыл заңсыз тұрдық»: Мақпал Жүнісова Заманбек Нұрқаділовпен некесін қиюға асықпағанын айтты

ҚР халық әртісі, әнші Мақпал Жүнісова заңды некеге тұрған сәтін есіне алды, деп хабарлайды Skifnews.kz ақпарат порталы.

Өнер иесі 27 жыл бұрынғы құжатты көрсетті. 

“Зәкең үлкен той жасап, неке қиюға барамыз” дегенде: “Зәке, жақсы көрсеңіз асықпаңыз, әңгімеміз жараспай қалса дардай басыңызбен ажырасып жүресіз бе?! Бір-екі жыл бір-бірімізді тексерейік” деп келіспедім. Содан жеті жыл заңсыз тұрдық. 1998 жылдың 1 қазанында неке қиылды”, – деп жазды әнші.

Сондай-ақ халық әртісі тегін ауыстыруға қатысты да сұраққа жауап берді. 

“Әкем мені үлкен әнші боласың деп 3-сыныптан қалаға интернатқа оқуға әкелген  Сондықтан әкемнің тегін ауыстыру арман болған жоқ. Сосын Жүнісова болып, “Еңбек сіңірген әртіс” атағын алып қойғанмын”, – деді эстрада жұлдызы.