«Арнайы келдім»: Елдос Сметов қазақстандықтарға үндеу жасады

Париж Олимпиадасының чемпионы, дзюдошы Елдос Сметов елге оралғаннан кейін қазақстандықтарға үндеу жасады, деп хабарлайды Skifnews.kz ақпарат порталы.

Спортшы Астана тұрғындарын 9-11 мамыр аралығында өтетін Grand Slam турнирінде спортшыларды қолдау көрсетуге шақырды.

«Құрметті қазақстандықтар, баршаңызға қайырлы күн! Астанаға келдім, сіздерді ертең басталатын турнирді қолдауға шақырамын. Біздің спортшыларға қолдау көрсетіңіздер. Мен елордаға спортшыларымызды қолдау үшін арнайы келдім», - деді Сметов әлеуметтік желілерде.

Айта кетейік, Елдос Сметовтың өзі жарысқа қатыспайды.