Бүгінгі сөз 15.08.2015 сағат 03:32

Ел ертеңі – жастар

«Еліміздің басты капиталы – білімді жастар» деген болатын Елбасы.

Бөлісу
Бөлісу
Бөлісу

Білім мен ғылымның арқасында адамзат баласы өркендеп-өсіп, алға қарай жылжып келеді. Сол бо­йынша өркениет дамып, уақыт өте заманға сай жаңашылдық бой көтеруде. Бұл ретте елді дамыту барысында Президент Н.Назарбаевтың ұстанған сара саясаты зор серпін беретіні тағы бар. Айтар болсақ, жақында ғана 5 институттық рефор­маны жүзеге асыруға бағыт­тал­ған «100 нақты қадамды» айқындап берген Мемлекет басшысының тапсырмасы бойынша ендігі ­кезекте белсене іске кірісу қажет. Осылай, дәстүрлі отырыс­тың келесі кезегі білім ошақ­та­рындағы қолға алынып отырған түрлі шаралар мен мін­деттер жөнінде талқылауға келді. БАҚ өкілдерімен Л.Н. Гуми­лев атындағы ЕҰУ ғылыми-тексеріс жұмысы бойынша рек­торының орынбасары Абзал Талтенов пен Қ.А.Ясауи атын­дағы Халықаралық қазақ-түрік университетінің президенті Уәлихан Әбдібеков Президент жанындағы Орталық коммуникациялар қызметінде баспасөз мәслихатын өткізді. Онда кадр­ларды даярлау мәселесі кеңінен талқыланып, бірқатар ақпараттар таныстырылды. Елбасының тапсырмасына орай, бүгінгі таңда жоғары оқу орындарында бірқатар бағдарламалар жаңартылып, олар өзгерді, дейді бұл ретте У.Әбдібеков. Сонымен қатар, ол Қожа Ахмет Ясауи атын­дағы Халықаралық қазақ-түрік университеті жоғары білім беру саласында Мемлекет бас­шысының реформаларын іске асыруға белсенді қатыса­тын­дығын жеткізді. Осы орайда 78-қадамда белгіленген «Назар­баев Университетінің тәжіри­бесі негізінде жоғары оқу орын­дарының академиялық және басқарушылық дербестігін деңгей бойынша кеңейту. Жеке ЖОО халықаралық іс-тәжірибеге сәйкес коммерциялық емес ұйымдарға ауыстыру» бойынша ХҚТУ-де 10 мүшеден тұратын Үкіметаралық өкілетті кеңес құрылғандығын хабарлады. Оның айтуы бойынша, академиялық дербестігін кеңейту барысында үстіміздегі жылы сәуір айында факультеттердің барлық декандары Түркияның жетекші ЖОО-серіктестерімен ынтымақтастық келісім­шар­тына отыру үшін шетелге қызметтік іссапарға жіберілген. Және олар Англияның жетекші ЖОО-да екі апталық біліктілігін көтеру кур­­сынан өткен. Сондай-ақ, 79-қадам­дағы білім беру жүйесінде – жоғары сыныптар мен ЖОО-ларда ағылшын тілінде оқытуға кезең-кезеңмен көшу мәселесіне орай, аталған университет жыл сайын ҰБТ, КТ қорытындысы бойынша жоғары балл жинаған, алайда Foundation дайындық курстарын оқу үшін мемлекеттен грант алмаған 500 абитуриентті қабылдайтындығын атап өтті. Келесі кезекте сөз алған Абзал Талтеновтің айтуынша, Л.Н.Гу­милев атындағы ЕҰУ екі маман­дық бойынша кадрлар даярлайды. Оның бірі «Құрылыс мате­риалдарын, өнімдерін және құрыл­ғыларын шығару» бо­йынша болса, екіншісі «Ға­рыш­тық тех­ника және техноло­гия» маман­дығы екен. Сондай-ақ, ол магис­тратураның бірін­ші маман­дығындағы оқу бағдар­ламасы бойынша университет пен экономи­каның шынайы секторлары өндіріс және кәсіпорындар арасында тығыз қарым-қатынас орнатылғандығын тілге тиек етті. Шетелдік ЖОО-серіктес ретінде магистратураның екінші бағдарламасымен Берлин тех­ни­калық университеті (Гер­­мания) анықталған болса, ал бағдарламаны іске асыруда негізгі кәсіпкер-серіктес «Қазақ­­­­стан Ғарыш сапары» ҰК» АҚ, «Са­рышаған» шағын раке­талы-ғарыш­тық полигоны, «Байқоңыр» ғарыш алаңы және «Петропавл ауыр машина өңдеу зауыты» АҚ болып табы­латындығы ата­лып өтілді. Бұл ретте ескерер жәйт, тү­лектерді әрі қарай жұ­мыс­қа орна­ластыруға осы кәсіп­орындармен келісім­шарт жасалған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар