Бүгінгі сөз 07.04.2016 сағат 03:52

Арыстанбек Мұхамедиұлы бір бұйрықтан 53 қате жіберіп, абыройын айрандай төкті

ҚР Мәдениет және спорт министрі Арыстанбек Мұхамедиұлының 4 беттік бір бұйрығынан 53 қате шықты. 2015 жылдың 18 мамырында бекітілген осынау құжат - Тілдерді дамыту және қоғамдық-саяси жұмыс комитетінің бұрынғы ережесіне өзгеріс енгізу туралы бұйрық.

Бөлісу
Бөлісу
Бөлісу

Құжаттағы орфографиялық қателерден аяқ алып жүре алмайсың. Әрбір сөйлемде деп айтсақ тым асыра сілтеп жіберерміз, дегенмен, әрбір бетте 10-15 қатеден кездестіруге болады.

Бұйрықтың мәтінін министрдің өзі отырып жазбағаны белгілі. Құжатты қазақ тіліне шорқақтау біреудің шатпайлағаны анық көрініп тұр. Өйткені, қателердің дені г мен ғ, о мен ө, к мен қ әріптерін ажырата алмаудан құралған. Дегенмен, Арыстанбек Мұхамедиұлы алдына келген бұйрыққа қол қоймастан бұрын оны оқуы керек қой?! Әлде, министрдің де білім деңгейі осы ма?

 

 

Қазақ тілін дамыту үшін құрылған осынау комитетте қазақшаны қатесіз жазатын мамандардың болмауы таң қалдырады. Елдің идеологиясымен және ұрпақтың тәрбиесімен айналысуы тиіс Мәдениет министрлігіндегілер жұмысына осылай салғырт қараса, өзгелерден не күтуге болады?

Жалпы, құрылғанына 20 жылдан асып кеткен Тілдерді дамыту комитеті біздің мемлекетке қажет пе деген сауал бұған дейін бірнеше рет көтерілген. Көтерілетіндейі бар, өйткені, комитеттің қандай тілдерді дамытып келе жатқаны халыққа әлі белгісіз. Белгілісі, 20 жыл бойы мемлекеттік тіл - қазақ тілін дұрыстап дамыта алмай келеді. Айта берсек, бұл сөзімізге дәлел көп. Мемлекеттік органдардағы құжат айналдымдарын, Парламент шығарып жатқан заңдарды айтпай-ақ, көшедегі жарнамалар (басым көпшілігі өзге тілде, қазақ тілінде жазылғандарында қате көп), отандық телеарналардағы өнімдердің өзінен-ақ қазақ тілінің қандай деңгейде екенін аңғаруға болады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар