Бүгінгі сөз 25.04.2016 сағат 09:43

Алматы облысының әкімі қытайлық инвесторлармен бірнеше меморандум жасасты

Алматы облысының әкімі Амандық Баталов Шыңжаң Ұйғыр автомномиялы ауданына барып, ірі инвесторлармен келіссөздер жүргізіп келді. Осы келісімдер аясында қытайлық 10 компания өңірде 12 жобаны жүзеге асырмақ. Бұл туралы Алматы облысы әкімдігінің баспасөз қызметі хабарлап отыр.

Бөлісу
Бөлісу
Бөлісу

Іске асатын жобалар қатарында күн және жел электр станцияларының, қабырға панельдерін шығаратын инновациялық зауыттың, қазақстандық-қытайлық агрокешеннің, ауыл шаруашылығы агроөңдеу паркінің құрылысы және тағы басқа да нысандар бар. Сапар барысында А.Баталов бастаған топ ҚХР ШҰАА-дағы бірқатар іргелі кәсіпорындардың тыныс-тіршілігімен танысып, үлкен бизнес-форумға қатысты. 

Өз кезегінде облыс әкімі А.Баталов қытайлық әріптестеріне облыстың мүмкіндіктері туралы баяндап, «Қорғас» шекара маңы орталығында және индустриалды аймақтарда серіктестікті дамытуға қолайлы жағдай жасалғанын айтты. Сондай-ақ, Жетісу өлкесін инвестициялық мүмкіндіктері кеңінен таныстырылды.

Жалпы, сапар барысында 10-нан астам ірі компания Алматы облысымен жалпы сомасы 2 млрд. доллардан астам инвестиция болатын 12 меморандумға қол қойды делінген әкімдіктің баспасөз қызметі таратқан хабарламада.

Айта кетейік, дәл қазір ел тұрғындарының дені Үкіметтің ауылшаруашылық жерлерін сату және шетелдіктерге жалға беру туралы бастамасына қарсы шығып отыр. Жер кодексіне енгізілген өзгерістерден кейін 2016 жылдың 1 шілдесінен бастап Қазақстандағы ауылшаруашылық жерлері аукцион арқылы жекеменшіктің қолына өтеді. 

Қоғам белсенділерінің айтуынша, шетелдіктерге жалға берілген жерлер бірнеше жылдан кейін бүгінгі Байқоңырдың кебін киюі әбден мүмкін.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар