Латын әліпбиіне көшуге дайындық үшін Үкімет 250 млн теңге жұмсамақ

Қаржы министрі Бақыт Сұлтанов латын әліпбиіне көшуге нақты қанша ақша жұмалатанын дәл айта алмады. Дегенмен, дайындық жұмыстарына кететін шығынды алдын ала болжап отыр деп жазады Informburo.kz.

"Үшжылдық бюджетте түрлі шаралар үшін 250 миллион теңге қарастырылған. Өйткені, негізгі жұмыс әлі аяқталған жоқ. Нақты жұмсалатын қаражат әлі құзырлы министрлікпен талқыланатын болады. Қанша шығын кететінін жұмыс тобы мен министрлік және жергілікті атқарушы органдар есептеп, өзара бекітіп алады, - деді министр журналистерге берген жауабында.

Еске салайық, бүгін Мәжіліс депутаттары қазақ тілінің латын әліпбиіне көшу мәселесін талқылап, әліпбидің жаңа нұсқасымен танысты. Жаңа нұсқада қазақ әріптері таңбаланбаған.