Билік 29.04.2019 сағат 05:00

Белгілі әнші Мөлдір Әуелбекова жаңа қызметке тағайындалды

ҚР Мәдениет және спорт министрлігі «Қазақконцерт» мемлекеттік концерттік ұйымының директоры Ж.Сейдуллаұлының бұйрығымен Мөлдір Әуелбекова шығармашылық қызметтің басшысы болып тағайындалды. Бұл туралы аталмыш мекеменің Instagram–парақшасында хабарланған.

Белгілі әнші Мөлдір Әуелбекова жаңа қызметке тағайындалды
Бөлісу
Бөлісу
Бөлісу

«Эстрада, классика, фольклор, театр бағытындағы еліміздің үздік шығармашылық ұжымдарын бір арнаға тоғыстырып, қазақ өнерінің қарашаңырағына айналған «Қазақконцерттің» шығармашылық қызметіне енді Мөлдір Әуелбекова басшылық жасайды»,-делінген хабарламада.  

Қазақконцерттің мәліметінше, бұдан бұрын ол Қазақконцерттің эстрадалық топтарына жетекшілік етіп, шығармашылық ізденістерінде жаңа идеялар мен тың бастамаларға бейім екендігін көрсетті. Т. Жүргенов атындағы Қазақ Ұлттық өнер академиясының түлегі 2011 жылы эстрадалық өнер магистрі атанған.  

Мөлдір Есіркепқызының шығармашылық жолы талант, кәсібилік шеберлік, тынымсыз еңбек нәтижесінде биік белестерді бағындыруға болатынын дәлелдейді. Республикалық және халықаралық байқаулардың лауреаты, танымал әнші, актриса әрі жас продюсер ретінде Мөлдір Әуелбекова қазақ эстрада өнерінің дамуына елеулі үлес қосуда.  

Мəдениет жəне ɵнер саласындағы жоғары жетiстiктерi үшiн 2018 жылы «Құрмет» орденінің иегері атанды.  

«Еліміздің мәдени кеңістігінде өзіндік орны бар кәсіби өнер иесі ретінде Мөлдір Әуелбекова жаңа қызметте абырой биігінен көрініп, шығармашылық салада биік асуларды бағындыратынына сенеміз»,-деп әншіге зор сенім артылғаны көрсетілген.

 

Оқи отырыңыз

загрузка...

Соңғы жаңалықтар

Қызықты материалдар