Дайджест 14.08.2014 сағат 09:15

Санкциядан қысылған «Роснефть» Ресей үкіметінен көмек күтіп отыр

Ресейдің «Роснефть» мұнай компаниясының президенті Игорь Сечин үкіметтен АҚШ-тың экономикалық санкциялар салуына байланысты компанияға қаржылай көмектесуді сұрады, деп хабарлайды Today.kz.

Бөлісу
Бөлісу
Бөлісу

Ресейлік «Ведомости» басылымының жазуынша, шілденің ортасында АҚШ қаржы министрлігі америкалық азаматтарға, компаниялар мен банктерге және операциясын АҚШ арқылы жүргізетіндерге ресейлік «Роснефть», «Новатэк», «Газпромбанк» және «Внешнеэкономбанкке» несие мен займ беруге тыйым салған болатын.

Басылым дереккөзінің хабарлауынша, санкцияны тек АҚШ қана қабылдағанымен, америкалық қор нарықтарында жұмыс істейтіндіктен оған іс жүзінде еуропалық көптеген банктер мен инвесторлар да қосылған.

Сечин мемлекетке ұлттық әл-ауқат қоры есебінен «Роснефттің» жаңа облигацияларын бір жарым триллион рубльге (44,5 миллиард АҚШ доллары) сатып алуды ұсынған. Компания 2013 жылы ТНК-BP компаниясын сатып алған соң өте үлкен сомаға қарызданып қалған. Бірақ, Ресейдің экономикалық даму министрлігі мемлекетте «Роснефть» қарызын жабатындай қаржы жоғын айтады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар