Денсаулық 13.06.2019 сағат 11:07

Шымкент қаласының әкімі медицина қызметкерлеріне пәтер кілтін табыс етті

Шымкентте медицина қызметкерлерінің кәсіби мерекесі атап өтіліп, 9 дәрігерге пәтер кілті табысталды. Салтанатты жиынға Шымкент қаласының әкімі Ғабидолла Әбдірахымов, медициналық ұйымдардың қызметкерлері, ардагер-дәрігерлер қатысқанын айта кетейік.
Шымкент қаласының әкімі медицина қызметкерлеріне пәтер кілтін табыс етті
Бөлісу
Бөлісу
Бөлісу

Қала әкімі дәрігерлерді кәсіби мерекесімен құттықтап, медицина саласында атқарылатын жұмыстарға тоқталды. Елбасының тапсырмасына сәйкес, 1 маусымнан бастап дәрігерлердің жалақысы 30 пайызға көтерілді. 2 қалалық аурухана мен қалалық перзентхана күрделі жөнделуде. Мемлекеттік-жекеменшік әріптестік аясында 8 емхана салынады және инвесторлармен келіссөз жүргізілді. Шымкентте бұған қоса жаңа 1200 орындық көпсалалы аурухана салынады. Дәрігерлердің әлеуметтік жағдайын көтеруде тұрғын үймен қамту мәселесі шешіледі. Күз айында стансалар 100 жедел жәрдем көлігімен қамтамасыз етіледі, - деді Ғабидолла Әбдірахымов.

Салтанатты жиында қала әкімі 9 маманға пәтер кілтін табыстады. Сондай-ақ, қаладағы медициналық ұйымдағы 30-дан аса қызметкер денсаулық сақтау министрінің марапатына ие болды. Айта кетейік, қазір қаладағы мемлекеттік 36, жекеменшік 69 медициналық ұйымда 12 мыңнан астам қызметкер халыққа қызмет көрсетеді.

«SN.kz» - ақпарат»

Оқи отырыңыз

загрузка...

Соңғы жаңалықтар

Қызықты материалдар