Бір жылдан кейін: бетін тарттырмақ болған әйелді өлтіріп алған хирург ісі сотқа енді жіберілмек

Сәтсіз хирургиялық араласудан кейін комаға түскен 59 жастағы Нажия Муртазинаның туыстары әділеттілікке қол жеткізе алмай отыр. Операция жасаған дәрігердің әлі жұмыс істеп жүргені белгілі болды. Ал операция жасалған клиникада лицензия мүлдем болмаған, деп хабарлайды Skifnews.kz ақпарат порталы, Еуразия бірінші арнасына сілтеме жасап.

Қайғылы оқиға бір жыл бұрын болды. Алматылық әйел пластикалық ота жасау туралы шешім қабылдаған. Процедура ол емделіп жатқан клиникада жасалды және оған қырық жылдық тәжірибесі бар хирург операция жасады.

Әйелдің қызы айтқандай, операция алдында ол анестезиядан қатты қорыққан, бірақ, өз шешімінен бас тартпаған. Он екі айға жуық уақыт ішінде бұл іс бойынша тергеу жүріп жатыр, бірақ, іс әлі сотқа жеткізілген жоқ.

Операцияға дейін әйелдің денсаулығында айқын проблемалар болған кезде ешқандай сынақтан өтпегені белгілі болды. Арна тілшілері емханаға барып, сол операцияны жасаған хирургті тапты. Ол әйелде өлімге әкелетін жедел майлы эмболия басталғанын айтқан.

Осы уақытта адвокаттар клиникада заң бұзушылықтарды анықтады. Соның бірі ретінде операция жасалған күні клиниканың жұмыс істеуге тиісті лицензиясы болмағандығын айтуға болады. Істің материалдары прокуратураға, содан кейін сот органына бір жылдан бері енді жіберілгелі жатыр екен. Ал қайтыс болған әйелдің туыстары емхана біржола жабылуы керек деп отыр.