Денсаулық 08.03.2020 сағат 18:07

«Дәрі алуға ақшам жетпейді»: елордада туберкулез тұрғын көршісінің итін сойып жеп қойды

«Оның үйінде тағы екі ит байлаулы тұрды. Олардың бірі – үлкен, екіншісі – кішкентай. Егер ол итті жейтін болса, кейіннен адамға да көшуі ғажап емес», - дейді Кристина.
«Дәрі алуға ақшам жетпейді»: елордада туберкулез тұрғын көршісінің итін сойып жеп қойды
Бөлісу
Бөлісу
Бөлісу

Нұр-Сұлтанда көршісінің итін ер азамат бөлшектеп, артынша жеп қойған. Ит иесінің айтуынша, ол күшіктің басы мен аяғын сол маңайдағы қоймадан тауып алыпты, деп хабарлайды Stan.kz, Еуразия бірінші арнасына сілтеме жасап.

Рыжик есімді итті оның иесі Кристина соңғы рет 28 ақпан күні көрдім деп отыр. Сөзінше, иті тапа тал түсте жоғалып кетіпті. Бірнәрсе сездім деген бойжеткен айналадағы көршілерінің үйін тінтіп, іздей бастапты. Ақыры сол маңайдағы бір үйден күшіктің қалдықтарын тауып алған.

«Қарай беріңіздер деп айтты. Көршіміздің қоймасында төгілген қан мен қапты байқадық. Сол қаптың ішін ашып қарап едім, итімнің басы мен аяқтарын тауып алдым. Айқайлап, ашулана бастадым. Не деген сұмдық?! Жақында ғана асырап алғанбыз. Өзі сондай сүйкімді болатын», - дейді иттің иесі.

Кристина ертесі күні әлгі көршінің келіп тұрғанын айтады. Ол бар болған жайтты тұтастай мойындапты.

«Мен туберкулезбен ауырамын, сол үшін иттің етін жеймін. Негізі көршілердің итіне тиіспеймін. Сіздікін танымай қалған болармын. Қаласаңыз, басқа ит берейін сізге» деп қояды. Оның үйінде тағы екі ит байлаулы тұрды. Олардың бірі – үлкен, екіншісі – кішкентай. Егер ол итті жейтін болса, кейіннен адамға да көшуі ғажап емес», - дейді Кристина.

Айтуынша, бойжеткен әлгі ер-азаматтың нағыз қанпезер екендігін бұрыннан білген көрінеді. Өйткені, оның ауласынан ұлыған иттердің даусы жиі шығатын көрінеді. Ал итті сойып жеген азамат бұл жайтқа өкінбейтін сыңайлы.

«Біреудің иті деп ойламадым. Маған біреулер сатты, мен алдым да сойып жеп қойдым. Бұл ісіме өкінбеймін. Мен өзімнің денсаулығымды көбірек уайымдаймын. Дәрілер қымбат, ал оны алуға менің ақшам жетпейді», - дейді иттің етін жеуді әдетке айналдырған Владимир.

Иттің иелері полицияға шағымдарын түсірген. Қазір аталған оқиға қарауда екен, бірақ, әлі қылмыстық іс қозғалмапты.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар