Атыраудағы емдеу орталығында бір кісілік кереуетке екі науқас жатады

Атырау қаласындағы Психикалық денсаулық орталығында бір адамдық кереуетте екі адам ұйықтайды екен. Оған кереуеттің ескілігі себеп, деп хабарлайды Skifnews.kz ақпарат порталы, depti.kz-ке сілтеме жасап.

Бұл жағдайды қаладағы бірнеше емханалар мен амбулаторияларды бақылау кезінде «Атырау – адалдық алаңы» жобалық кеңсесінің өкілдері анықтаған. Ал аурухана қызметкерлерінің айтуынша, науқастар бос кереует болса да, біреуіне «мінгесіп» жатқанды жөн көреді-міс.

«Аталмыш аурухананың ғимараты ескі. Сондай-ақ, асхана қызметкерлері гигиеналық тәртіпті сақтамаған», - дейді жобалық кеңсе мамандары.