Кибершабуылды тексеру және талдау орталығы коронавирустың Қазақстанда тарау моделін жасап шықты. Олардың болжауынша, 10 сәуірге дейін елімізде 17 мың адам инфекция жұқтыруы мүмкін, деп хабарлайды Skifnews.kz ақпарат порталы, bairaq.kz-ке сілтеме жасап.
Қазақстандық модель коронавирустың таралуын зерттеумен айналысатын халықаралық орталықтар тәжірибесі негізінде жасалды. Мамандардың айтуынша, 100 адамға жұққан уақыттан бастап коронавирустың таралу қарқыны жоғарылайды. Орталық, сондай-ақ, Қазақстанда коронавирус жұқтырғандар саны 23 наурыз күні 100 адамға жетеді деп болжауда.
Жалпы инфекция жұқтырғандар саны 220 мың адамнан асады-мыс. Бірақ, бұл адамдар өздігінен емделіп кетеді. Бұдан бөлек, орталық мамандары Қазақстандағы вирустың өлім-жітім көрсеткіші 3 пайыз шамасында болады деген болжам айтады.