Алматы қаласында ҰҚК-нің 18 курсанты індетке шалдыққан

ҰҚК Шекара академиясының 18 курсанты коронавирус жұқтырды, деп хабарлайды Skifnews.kz ақпарат порталы, Stan.kz-ке сілтеме жасап.

«Біздің курсанттарымыздың 150-ге жуығы Алматы қаласы Медеу ауданының аумағында патрульдік-бақылау жұмыстарына тартылды. Бізде вирусты 18 адам жұқтырды», - дейді ҰҚК Шекара академиясы басшысының орынбасары Айдос Алиев.

«Олардың барлығы қолғаппен, вирусқа қарсы маскалармен қамтамасыз етілгенін атап өткім келеді. Қазір барлық 18 адам оқшауланған. Олар қаланың мамандандырылған медициналық мекемелерінде», - деді Айдос Алиев.

Ол сырқаты бар курсанттардың жағдайы тұрақты екенін мәлімдеді.

«Олардың бәрі жас және дені сау балалар. Аурудың белгілері көрінбеді. Барлығы сау, белсенді, қалыпты қызмет етті. Бірақ, аурудың асимптоматикалық бағыты бар деп айтады, мүмкін біздің жағдайымыз осындай», - деп түсіндірді академия басшысының орынбасары.

«Біздің академияда жүргендерге алаңдамауымыз үшін Денсаулық сақтау министрлігі эпидемияға қарсы шаралар жүргізуде. Оқшаулау, дезинфекциялау жүзеге асырылады. Бізде осы 150 адамнан басқа да адамдар бар. Оларды оқшауладық. Біз бұндай жағдайдың болуы мүмкін деп болжадық. Сондықтан барлық қауіпсіздік шаралары алдын ала қабылданды», - деп сендірді ол.

Ол курсанттар қызметтен кейін үйге оралмайтындығын айтты. «Қазір олар қосымша шатырлар лагерінде», - деп қосты ол.