Денсаулық 12.06.2020 сағат 12:40

Түркістан облысында коронавирус жұқтырған сәбидің жүрегіне ота жасалды

Сәби әлі де сол жерде ем қабылдауда.
Түркістан облысында коронавирус жұқтырған сәбидің жүрегіне ота жасалды
фото: pixabay.com
Бөлісу
Бөлісу
Бөлісу

Түркістан облысында COVID-19 инфекциясын жұқтырған нәрестенің жүрегіне ота жасалды.  Туғанына небәрі 11 күн болған сәби Түркістан облыстық балалар ауруханасына Сайрам ауданынан ауыр халде жеткізілген, деп хабарлайды, Skifnews.kz ақпарат порталы, облыс әкімдігінің баспасөз қызметіне сілтеме жасап.

Медициналық жедел-жәрдем қызметімен жеткен шақалақтың дене қызуы көтеріліп, ентігу белгілері болған. Ол бірден жансақтау бөліміне жатқызылады. 

  "Жүргізілген диагностикалық зерттеулердің нәтижелері нәрестеден туа біткен жүрек ақауы белгілері анықталған. Жүрек қалқасының тарылуынан бала өміріне қауіп болды, дейді дәрігерлер. Оған қоса жаңа туған сәбидің пневмония мен коронавирус инфекциясына шалдыққаны анықталған. Облыстық балалар ауруханасының кардиохирургы Алмат Байсалов жетекшілік еткен білікті дәрігерлер құрамы аса маңызды шешім қабылдап, шұғыл түрде ота жасауға бел буады. Екі сағатқа созылған операция сәтті өтті. Бала аман. Отадан кейін бірден қан жүріп, қан қысымы реттеледі", - делінген ресми хабарламада.

Коронавирус инфекциясының таралуына жол бермес үшін дәрігерлер операцияны арнайы ота залында емес, дәл жансақтау бөлімінде жүргізген. Сәби әлі де сол жерде ем қабылдауда. Оған жеке дәрігер, жеке медбике бекітілген. Бала өмірін арашалап қалған кардиохируг-дәрігерлер Алмат Байсалов пен Алмаз Аширов және анестезиолог Ақжол Абдраимов, реаниматолог-дәрігерлер Ғабитжан  Исмаилов пен Ерлан Рахымовқа ата - аналары шексіз алғыс айтты.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар