«Коронавирусқа байланысты қауіп сейілді деп айтуға болмайды» – Сәуле Қисықова

Қазақстан астанасында COVID-19 таралғаннан бері 2620 адам індет жұқтырды, деп хабарлайды Skifnews.kz ақпарат порталы, елорда әкімдігінің ресми сайты.

 Нұр Сұлтанда соңғы күндері КВИ-дан төрт өлім жағдайы тіркелді. Марқұмдардың бірі үйде өздігінен емделген, деп хабарлады қалалық қоғамдық денсаулық сақтау басқармасының бастығы Сәуле Қисықова брифингте.

 «47 жастағы тұрғын екі апта бойы үйде өзі емделген. Екінші жағдайда, Нұр-Сұлтан қаласының тұрғыны 68 жастағы ер адам жедел жәрдеммен ауруханаға жеткізілді. Үшінші жағдайда Батыс Қазақстан облысының тұрғыны, 70 жастағы ер адам жүректің ишемиялық ауруы, артериялық гипертензия және созылмалы жүрек жеткіліксіздігі диагнозымен кардиологтың бақылауында болды. Төртінші жағдайда 59 жастағы ер адам, Алматы қаласының тұрғыны өздігінен ауруханаға жүгінген. Олардың барлығы жағдайының ауырлығына байланысты дереу жансақтау бөліміне жатқызылды», – деді С.Қисықова.

 Қарқынды терапияға қарамастан жүргізілген реанимациялық шаралар нәтижесіз болып, өлім анықталды. Денсаулық сақтау басқармасының басшысы індеттің, оның ішінде пневмонияның көбеюіне байланысты елорда тұрғындарына мәлімдеме жасады. 

«Коронавирус пандемиясы артта қалды және онымен байланысты қауіп сейілді деп айтуға болмайды. Өйткені, бұқаралық шаралардың барлық қатысушылары жақындары үшін инфекцияның белсенді көзі болып табылады және жаңа инфекция ошақтарының пайда болу қаупін туғызады», – деді С.Қисықова.

Инфекцияның негізгі факторы – адамдар көп жиналатын орындарға бару кезінде маска режимін, әлеуметтік қашықтықты және жеке гигиенаны бұзу. Нұр Сұлтанда коронавирус пандемиясы басталғалы бері 2620 адам індет жұқтырған. Оның 270-і балалар. 1 829 адам немесе 70%-ы емделіп шықты.