$ 447.4 € 477.55 ₽ 4.76
COVID-19 коронавирустық инфекцияға қарсы антиденелер балаларға ана сүтімен берілуі мүмкін. Бұл туралы Гамалея орталығының директоры Александр Гинцбург мәлімдеген. Осы жайлы ақпарат Қазақстанда коронавирустың таралуына жол бермеу жөніндегі ВАК жұмысының шұғыл ресми Telegram каналында жарияланды.
«Коронавирусқа қарсы антиденелері бар аналар оларды жаңа туған нәрестелеріне өз сүтімен емізген кезде бере алады», - дейді ғалым.
Бұған дейін Ресей Федерациясы Денсаулық сақтау министрлігінің қызметкері, профессор Лейла Адамян коронавирустық инфекция жүкті әйелдерге «жұмсақ» екенін және індетті жұқтырған әйелдердің балалары сау болып туылатынын атап өткен болатын. Оның айтуынша, вирус плацентаға да, амниотикалық сұйықтыққа да, ана сүтіне де енбейді екен.
