Елімізде вакцина салдырғандардың саны 1 млн 678 мыңнан асты

Вакцинациялау бойынша өңірлер арасында Алматы қаласы көш бастап тұр.

Фото: ашық дереккөз

9 мамырдағы мәлімет бойынша Қазақстанда 1 678 604 адам COVID-19 вирусына қарсы вакцина салдырды, деп хабарлайды Azattyq Rýhy Денсаулық сақтау министрлігінің баспасөз қызметіне сілтеме жасап.

Бүгінгі таңда елімізде 1 678 604 адам коронавирус вакцинасының бірінші компонентін салдырды. Екінші компонентті салдырғандар саны 592 686 адамға жетті.

Халықты вакцинациялау бойынша өңірлер арасында Алматы қаласы көш бастап тұр. 251 823 алматылық тұрғын вакцинаның бірінші компонентін алып үлгерген.

Ал ең аз вакцина салынған өңір ретінде Маңғыстау облысы тіркелді. Бұл облыстағы тек 32 174 адамға вакцинаның бірінші дозасы егілген.