$ 473.15  515.12  5.4

Уран өңдеу кәсіпорнын жаңғыртуға бөлінген 862 млн теңге жымқырылған

Қаржы Түркістан облысы Созақ ауданындағы Қаратау кенішінде уран өңдеу кәсіпорнына бөлінген.

Фото: kz.kursiv.media
Фото: kz.kursiv.media

Қаратау кенішіндегі уран өңдеу кәсіпорнын жаңғырту кезінде 862 млн теңге жымқыру фактісі бойынша тергеу аяқталды, деп хабарлайды Skifnews.kz ақпарат порталы  Антикордың баспасөз қызметіне сілтеме жасап.

Сыбайлас жемқорлыққа қарсы қызмет "Қаратау" ЖШС бұрынғы басшылығына ("Қазатомөнеркәсіп" ҰАК АҚ еншілес ұйымы), "Iri building" ЖШС мердігерлік ұйымының директорына, сондай-ақ авторлық және техникалық қадағалау өкілдеріне қатысты тергеуді аяқтады.

Мердігер 2019-2021 жылдары Түркістан облысы Созақ ауданындағы Қаратау кенішінде уран өңдеу кәсіпорнын жаңғырту жобасын іске асыру шеңберінде құрылыс-монтаждау жұмыстарына бөлінген 862 млн теңгені жымқырды деген күдікке ілінді.

Жымқыру авторлық, техникалық қадағалау өкілдерінің қолдауымен және "Қаратау" ЖШС басшылығы тарапынан немқұрайлылық нәтижесінде жасалған.

Қылмыстық іс мәні бойынша қарау үшін сотқа жіберілді. "Iri building" ЖШС-нің нақты иесі іздеуде.

Қылмыстық-процестік кодексінің 201-бабына сәйкес өзге ақпарат жария етуге жатпайды.

Сондай-ақ бұрынғы вице-министр Т. Тоқтабаевқа қатысты қылмыстық іс бойынша мемлекетке никель (1,075 млн тонна) және кобальт (585,9 мың тонна) қоры бар Қостанай облысындағы бірегей "Шевченковское" кен орны қайтарылды. Пайдалы қазбалар қорларының құны 5,6 трлн теңгеден асады.

Сіздің реакцияңыз?
Ұнайды 1
Ұнамайды 0
Күлкілі 0
Ашулы 0

Серіктес жаңалықтары