$ 447.4 € 477.55 ₽ 4.76
Қазақстандық банктер ел экономикасын аз несиелендіре бастады. 2015 жылдың бірінші жартыжылдығында несиелендіру 11,5%-ға төмендеді деп хабарлайды LS.
Реттеуіштің мәліметінше, осы жылдың қаңтары мен маусым айларында экономикадағы жалпы несиелендіру көлемі 10,71 трлн теңгеге (-11,5%) жеткен. Осы жылдың маусымында өткен жылғымен салыстырғанда несиелендіру 11,9%-ға төмендеді. Экономика (-24,5%), сауда (-10,1%) және өндіріс(4,6%) саласында қарыз беру азайған. Бірақ байланыс саласында несие беру 2%-ға көбейген. Реттеуіштің түсіндіруінше, сыртқы нарықтағы жағдайдың өзгеруі мұнай бағасының төмендеуіне байланысты. Бұл өз кезегінде экономикадағы несиелендіруге теріс ықпал етеді.
Ұлттық банктың атап өтуінше, 2014 жылы Ұлттық қордың активінен экономиканы қолдау үшін 100 млрд теңге бөлу қарастырылған. Қаржылай бақылаушы орган нашар несиелермен күресу үшін нашар несиелер қорының жарғылық капиталы 250 млрд теңгеге толтырылғандығын да атап өтті.
Осыған дейін қазақстандық банктер жұмыс істемейтін несиелердің үлесін рекордты минимумға яғни 13%-дан 9,98%-ға дейін төмендетудің сәті түсті деп хабарланған еді.
