Экономика 07.08.2015 сағат 08:38

Маңғыстау облысында жаңа кәсіпорын іске қосылды

Маңғыстау облысында балмұздақ шығаратын кәсіпорын өз жұмысын бастады.

Бөлісу
Бөлісу
Бөлісу

Жаңа өндірістің ашылуы 10 жұмыс орнын ашуға мүмкіндік берді. Атап өтейік, Ақтауда балмұздақ шығаратын соңғы кәсіпорын 6 жыл бұрын жабылған.

«Жергілікті тұрғындардың дәмдік әуестігін талдаудан өткізіп, жұртшылықтың тілегін есепке алып, үш түрлі дәмі бар пломбир, яғни майлылығы 12 пайыздық  балмұздақтарды шығардық. Қазіргі кезде тәулігіне мың тонна балмұздақ шығарылып отыр. Бағасы қымбат емес - 35 теңге. Біздің кәсіпорын сүт өнімдерін шығарады, сондықтан көп жабдықтарды сатып алу қажет болған жоқ», - деп баяндады  «Millina Food Production company LTD» директорының орынбасары Сәлім Жақыбов.

Компания ҮИИД мемлекеттік бағдарламасының, «БЖК-2030» қатысушысы болып табылады, мемлекеттің қолдауымен жабдықтар мен мүлікті сатып алуға несие рәсімдеген. Қазіргі кезде мемлекет «Даму» қоры арқылы несие бойынша пайыздық мөлшерлемені қаржыландырып отыр, яғни ЖШС 14 пайыздың тек жартысын ғана төлеуде.

Балмұздақ шығару желісінің өнімділігі жоғары, 6 тонна. Қажеттілік туындаған жағдайда, кәсіпорын балмұздақтың шығарылуын көбейте алады. 

Сонымен қатар, соңғы жылдары өңірде жеңіл өнеркәсіп саласын дамытуға басымдық берілуде.

Маңғыстау облысының кәсіпкерлер палатасының жанындағы кәсіпкерлердің аймақтық кеңесінің мүшесі, әйгілі жаңаөзендік бизнесмен, «Жанарыс» тігін фабрикасының негізін қалаушы және тұрақты директоры Жаңбырбай Дәрменов бұл мақалдың ақиқат екендігіне өзінің өмірлік тәжірибесінде әлдеқашан көз жеткізген. Осы сенім оның тек мұнайшылар қаласының емес, бүкіл облыстың үздік кәсіпкері ретінде қалыптасуына септігін тигізді.

Жаңаөзен қалалық әкімдігінің жұмы­сының маңызды бағыт­тарының бірі – шағын және орта кәсіпкерлікті қолдау. Жеке бизнес біртіндеп елдің әлеуметтік-экономикалық өмірінің барлық салаларына таралуда. Кәсіпкерлікті дамыту Мемлекет басшысының қолдауында. Н.Ә.Назарбаев өзінің Қазақстан хал­қына Жолдауында «микрокредиттік ұйымдардың жұмысын, соның ішінде мемлекет қаражатының есебінен қолдау міндетін алға тартты.

Жаңаөзенде Қазақстан Прези­денті алға қойған, басымдықтарға ерекше назар аударылды. Қазіргі уақытта қалада шағын және орта бизнестің бес мыңға жуық субъектілері тіркелген. Сауда, қызмет көрсету саласында және тағы басқаларында 50 пайызға жуық еңбекке қабілетті халық кәсіпкерлік қызметпен айналысады. «Дамыған кәсіпкерлік сектор – бұл кез келген ел экономикасының негізі», деп атап көрсетілген Президент Жолдауында.

Жаңаөзенде кәсіпкерлік құрылымда белсенді жұмыс істейтіндер санының жыл сайын ұлғайып келе жатқандығын, жұмыссыздар санының кеміп келе жат­қандығын айта кету керек. Әлеуметтік мәселелерді шешуде орта және шағын бизнес белсенді қатысады. Міне, бірне­ше жыл­дардан бері Жаңаөзен қала­­сының инфрақұрылымын қайта жаңғырту және дамыту жөніндегі Үкі­мет бағдарламалары жүзеге асырылуда. Бұған қатысты жұмыстардың негізгі көлемін жергілікті кәсіпкерлер орындайды. Олардың міндетіне ескірген инженерлік коммуникацияларды айырбастау және қайта құрылатын шағын аудандарда жаңа желілер салу кіреді. Қаланың алғашқы жеке кәсіпорындарының бірі – «Жанарыс» тігін фабрикасының да бизнесі жемісті дамып келе жатыр. Жаңа жұмыс орындарын құра отырып, ол өзінің мұнай компанияларының қатарындағы тұрақты серіктестерінің тапсырыстарын адал орындап келеді.

Бірнеше жыл бұрын «Жанарыс» ЖШС болып құрылған, Жаңаөзен тігін фабрикасы тапсырыстардың болмауына байланысты банкроттыққа дейін жеткен болатын. Фабриканы сәтсіздікке толы күндер күтіп тұрды. Алайда өз қаласының шынайы патриоты, бизнесмен, қалалық мәслихат депутаты Жаңбырбай Дәрменов оған жол берген жоқ. Ол фабриканы қайтадан қалпына келтіруге көп күш жұмсады. Зор қаражат салынды. Бірақ шығындар текке кеткен жоқ.

Біртіндеп тігіншілер, маман-механиктер, үлгілеушілер қайтып келе бастады. Құрал-жабдықтар жаңғыртылды, алыс-жақын шетелдер фирмаларының жылдамдығы жоғары тігін машиналары сатып алынды. Міне, қазір фабрика «Өзенмұнайгаз» акционерлік қоғамы мұнайшыларының ғана емес, сондай-ақ, «ҚазМұнайГаз» БӨ» АҚ, «Ембімұнайгаз» АҚ, «Маңғыстаумұнайгаз» АҚ, «Қара­жан­басмұнай» АҚ, «Бұрғылау» ЖШС, «Жөн­деу» ЖШС, «КРУЗ» ЖШС, «ТрубРемЦентр», ЖШС, «Каспий маңы ма­шина жасау кешені» ЖШС, «Ақтау шыны-­талшық­ты құбырлар зауыты» ЖШС, «Өзен­жылу» МКК, «Тазалық» МКК және тағы басқаларының да тапсырыстарын орындайды және республиканың Атырау, Батыс Қазақстан және Ақтөбе облыстарын жұмысқа кие­тін арнайы киіммен қамтамасыз етеді.

Мұнайшылар үшін күртелер, жазғы және қысқы жартылай комбинезон­дар, шал­барлар, қолғаптар тігеді. Отын-энер­гетикалық кешеннің қызмет­кер­­лері­не арналған жаңа форма сүңгуір­шілер­ге арналған киім су мен мұнайды жұқ­тыр­майтын арнайы материалдан дайын­­далады. Маңғышлақтың қатаң климат­тық жағдайларында жұмыс істей­тін мұнайшылар үшін мұндай киім ыңғайлы.

Аяғына нық тұрғаннан кейін, тігін кәсіпорнының қызметкерлері түрлі ұсақ Жаңаөзен фирмаларынан тапсырыс­тар қабылдай бастады. Ақтау шыны-талшықты құбырлар зауыты, Каспий маңы машина жасау кешені басшылары берген тапсырыстар үлкен демеу болды. Алайда, бұрынғысынша негізгі тапсырыс берушілер әлі де мұнайшылар болып қалды. Осыған байланысты фабрика қызметкерлері ертеңгі күнге деген сенімділікке ие болды.

Жаңбырбай Дәрменов Оңтүстік Қазақстан облысының Жетісай кентінде жұмысшы отбасында туған. Еңбек қызметін 1980 жылы Жамбыл тігін фабрикасында жүк тиеушіден бастаған. 1987 жылы Жамбылдағы жеңіл және тамақ өнеркәсібі технологиялық институтын аяқтағаннан кейін Новоузенка нан зауытына бригадир болып қабылданған, содан кейін зауыттың жөндеу бойынша шебері, бас механик және бас инженерлік қызметтер атқарған.

Тігін фабрикасы 1989 жылы құрылды. 1996 жылы ол «Жанарыс» ЖШС-ін құрды. Содан бері өндіріс көлемі 20 есеге дейін ұлғайды, құрам саны 5 есеге өсті. Кәсіпкер әлеуметтік салаға, өскелең ұрпақты оқыту мен тәрбиелеу жөніндегі шараларға зор көңіл бөледі. Мысалы, кәсіпорын ҰБТ қорытындысы бойынша жоғары балл алғаны үшін мұнайшылар қаласының ең озат түлегіне берілетін 1000 еуро көлемінде грант белгілеген.

Фабрика аумағында тігін фабри­касының қызметкерлері үшін 100 орындық балалар бақшасы ашылған. Жаңбырбай Тәжіғұлұлының басшылығымен әлеу­меттік көмек орталығының жолдамасы бойынша 150-ден астам адам қайта оқытылған және жұмысқа орнала­стырылған, олардың көпшілігі алыс және жақын шетелден келген оралмандар.

Ол қоғамдық өмірге белсене атсалысады және өнер, білім және спорт салаларына тұрақты қолдау көрсетеді. Көп жылдардан бері мектепті жоғары балмен аяқтаған, түлектерге демеушілік қолдау көрсетіп келеді.

«Жанарыс» ЖШС табиғи, синте­тикалық, вискозалық және жартылай эфирлі маталардан дайындалған, тігін бұйымдарының саналуан ассортиментін ұсына алады.

– Жыл өткен сайын тапсырыс беру­шілер саны ұлғайып келе жатыр. Фабрика қызметкерлері кез келген тапсырысты орындай алатындықтарына сенімді әрі бұл істе оларға өздерінің мол тәжірибесі, заманауи жабдық көмектеседі. Қазіргі таңда өндіріс аяқталған технологиялық циклі бар 5 ағыннан құралған,– дейді кәсіпорын басшысы Жаңбырбай Тәжіғұлұлы.

Директор тігін фабрикасында тек мұнай­шыларға емес, сондай-ақ, денсау­лық сақтау қызметкерлері үшін де сапалы киім, әскерилер мен құқық қорғау органдары үшін нысанды киімдер де шығарылатындығын атап өтті. Фабрика өнімі сертификатталған. Үнемі жаңа жұмыс орындары құрылып отырады.

– Қазіргі таңда Жаңөзен қаласындағы «Жаңарыс» тігін фабрикасы Маңғыстау облысында жеңіл өнеркәсіп саласындағы ең ірі кәсіпорын болып есептеледі. «Жанарыс» ЖШС бірнеше жылдардан бері тігін бұйымдарының 3 мыңнан астам түрін әзірлеумен, дайындаумен және өткізумен сәтті айналысып ке­леді. Негізінен біз май жұқтырмайтын, су жұқтырмайтын, отқа төзімді және термиялық тұрақты материалдарды пайдаланамыз. Маталардың антистатикалық қасиеттері бар. Өкінішке қарай, Қазақстанда мұндайлар шығарылмайды. Бұл маталарды негізінен Ресей мен Бело­руссиядан алғызамыз. Кеден одағын құрумен байланысты маталарды кедендік әуре-сарсаңсыз алу өте жеңілдей бастады, – дейді кәсіпкер.

– Өндірілетін өнімдердің бар­лы­ғы сертификатталған және ГОСТ талап­тарына сәйкес келеді, кәсіп­орын­да халықаралық сертификация ISO 9001:2000 сәтті енгізілген. Тех­но­ло­гиялық желілер жапондық «Брайзер», «Джуки» фирмаларының, германия­лық «Текстима», «Дюркооп-Адлер» фирмаларының, «Орша» Ресей зауытының озық жоғары жылдамдықтағы техникасымен жабдықталған. Кәсіпорын бұйымға логотип қондыруға арналған кесте тігетін машиналармен жарақталған.

 – Мұнай-газ саласындағы кәсіп­орын­дар, құрылыс компаниялары және ден­саулық сақтау, тұрғын үй-коммуналдық шаруашылығы, халыққа қызмет көрсету ұйымдары мен мекемелер арнайы киімге үнемі сұраныс жасайды. Соңғы жылдары тапсырыс көлемінің тұрақты өсу үрдісі байқалады, осыған орай тігін фабрикасы қызметкерлерінің саны 2013 жылы 416 адамнан 2014 жылы 447-ге дейін өсті. Сонымен қатар, жақында Жетібай ауылында 200 жұмыс орнына есептелген фабрика филиалы ашылды. Бұл жерде тігін цехы және арнайы киімдерді химиялық тазалау цехы құрылған. Жаңа цех ашылғандықтан, бұл жерде енді жыл сайын 5500 жұмысшылар киімі, 24 мың қолғап және 2200 бірлік басқа өнімдер шығарылатын болады. 62 жұмыс орны құрылған, соның ішінде «Жұмыспен қамтудың жол картасы-2020» бағдарламасының аясында 25 қызметкер оқытылды және жұмысқа орналастырылды, – деп атап өтті ол.

Жаңбырбай Дәрменовтің басшы­лы­ғымен «Жанарыс» ЖШС-нің «Аймақтың ең жақсы тауарлары» конкурсының бірнеше дүркін жеңімпазы болғандығын, «Қазақстанның ең жақсы тауарлары», «Табыс», «Нұр Отан», «Алтын сапа» көр­мелерінің дипломдарын ием­денгендігін атап өту керек. Қазіргі таңда Ж.Дәрменов технологияны дамытумен және фабриканы Жапония және Германия фирмаларының озық техникаларымен қамтамасыз етумен айналысуда, қаланы өнеркәсіптік тауарлармен қамтамасыз ету бойынша дағдарысқа қарсы бағдарламаларды іске асыруда, жаңа жұмыс орындарын құруға және тігін өндірісінің бәсекеге қабілетті тауарларын жасауға ықпал ету жолында жемісті еңбек атқаруда.

Естеріңізге сала кетейік, өткен жылы Маңғыстау облысында түйе жүнін өңдейтін шағын зауыт іске қосылса, «Ақтау теңіз порты» арнайы экономикалық аймағында асфальт қоспаларын өндіретін зауыт пен индустриялды құрылыс комбинаты ашылды. 

Мамандардың айтуынша, бұл комбинаттың көмегімен жылына 100 мың шаршы метр тұрғын үй тұрғызуға болады. Осылайша аймақтағы тұрғын үй бағасының төмендеуіне мүмкіндік тумақ. 

 Ақтау – еліміздегі баспана бағасы ең қымбат қалалардың бірі. Сондықтан да бұл өндіріс ошағының ашылуына қала тұрғындары да қуанып жатыр. Мұнда тәулігіне 100 текше метр озық үлгідегі темір бетон өнімдері өндіріледі. 40 адам жұмысқа орналасты, зауыт толық қуатта іске кіріскен соң тағы 40 жаңа жұмыс орны ашылмақ. Зауыт жұмыскерлері үшін кәсіпорын жанынан жатақхана да пайдалануға берілді. Ал осы экономикалық аймақта іске қосылған тағы бір жол құрылысына қажетті материал шығаратын зауыт өңірдегі тас жолдардың дамуына ықпал ететін болады. Әзірге зауыттың бірінші кезеңі аяқталып, асфальт қоспаларын шығаруға кірісті. Бұл кәсіпорын «Жол картасы-2020» бағдарламасы бойынша іске асырылып отыр.  

- «Нұрлы жол» бағдарламасы бойынша Президентіміз көп өңірлерде жаңа  жолдар салынатынын айтты. Соның ішінде біздің өңірде де «Бейнеу-Шетпе» тас жолы аяқталуға жақын. Қала берді «Шетпе-Жетібай-Ақтау» жол құрылысы басталғалы жатыр. Ол жерге өз өнімдерімізді қосуға өте қуаныштымыз. Біздің зауытта сағатына 160 тонна өнім шығады, - дейді Асфальт қоспалары зауытының құрылтайшысы Асылбек Жолдыбаев.

Осылайша, үкімет елімізде шағын және орта бизнесті дамытуға жағдай жасауда.

Оған дәлел Ақтауда Маңғыстау облысы кәсіпкерлер палатасы жанынан құрылған кәсіпкерлерге қызмет көрсету орталығының ашылуы.

Орталықтың ашылуына Маңғыстау облысының әкімі Алик Айдарбаев және Қазақстан Республикасы «Атамекен» Ұлттық кәсіпкерлер палатасының басқарма төрағасы Абылай Мырзахметов, даму институттары, шетелдік инвесторлар, «МаңғыстауМұнайГаз» АҚ компаниясы, екінші деңгейлі банктер және аймақтағы бизнес-қауымдастық өкілдері қатысты.

Орталықта «бір терезе» қағидасы бойынша көрсетілетін қызмет түрлері кәсіпкерлер үшін тиімді болады. Яғни, олар мемлекет тарапынан көрсетілетін қолдау туралы ақпаратты осы орталықтан алады.

Кәсіпкерлерге қызмет көрсету орталығының жалпы көлемі 4 000 шарты метрді құрайды, ғимарат 3 қабаттан тұрады. Кіреберісте ресепшн орналасқан, үлкен операциялық зал, кәсіпкерлерді оқытуға арналған конференц-зал, кең кабинеттер, өз ісін жаңадан бастаған іскер азаматтарға арналған бизнес-инкубатор мен асхана да бар. Тіркелу кезінде келушілер арасында кезек күттірмеу мақсатында терминал орнатылған, онда әрбір клиент онлайн тіркеуден өте алады.

Операциялық залда кеңесшілер (консультант) заңды тұрғыдағы сұрақтар, ақпаратты технологиялар, мемлекеттік сатып алу, бухгалтерлік, салық және статистикалық есеп, сапа жүйесін енгізу, кедендік процедуралар, маркетинг, менеджмент және мемлекеттік қолдау туралы бағдарламалар жөнінде тегін қызмет көрсететін болады.

«Каспий» микронесиелік ұйым, екінші деңгейлі банктер, Маңғыстау индустриалдық палаты ЗТБ, «Ақтау теңіз порты» еркін экономикалық аймағы жанынан құрылған инвесторларға қызмет көрсету орталығы, «Даму» кәсіпкерлікті дамыту қоры облыстық филиалының өкілдері де кәсіпкерлерді бизнесті жүргізу туралы сұрақтар бойынша ақпараттандырады.

Кәсіпкерлерге арналған орталықта мемлекеттік органдардың өкілдері де қызмет көрсетеді. Олар – халыққа қызмет көрсету орталығы, қалалық архитектура және құрылыс бөлімі, жер қатынастары, кәсіпкерлік, ауыл шаруашылығы және ветеринария, тұтынушылардың құқықтарын қорғау департаменті, әділет органдары, төтенше жағдайлар департаменті, мемлекеттік кірістер департаменті, сондай-ақ, «Ұлттық сараптау және сертификатту орталығы» АҚ, «Каспийаралық сертификаттау орталығы» ЖШС қызметкерлері осы орталықта қызмет көрсететін болады.

Кәсіпкерлерге қызмет көрсету орталығында өз ісін жаңа бастаған кәсіпкерлер үшін жалпы көлемі 30 шаршы метрді құрайтын және сыйымдылығы 50 адамға есептелген коворкинг-орталығы қарастырылған. Кәсіпкерлерді бизнес негіздеріне оқыту жалпы көлемі 100 шарты метрді алатын және 80 адамға арналған конференц-залда өткізіледі. Операциялық залда «Атамекен» ҰКП қарасты КҚКО мен КҚО жұмыс сипаттамасы көрсетілген стенддер орнатылған.

Ашылған күні қонақтарды Маңғыстау облысы кәсіпкерлер палатасы жанынан құрылған кәсіпкерлерге қызмет орталығының қызметімен таныстырды. Сонымен қатар «SmartEX» компаниясы ұсынған «Е-аймақ – қаланы басқару» бағдарламасының тұсаукесері өтті. Алдағы уақытта аудандарда кәсіпкерлерге қызмет көрсету орталықтарының құрылысы мен шаһарда орын тебетін индустриалды аймақтың жобасы да таныстырылды. Сондай-ақ, қысқаметражды «Бумеранг судьбы» экшн-фильмінен үзінді көрсетілді, аталмыш картинаның бір бөлігі бұған дейін кәсіпкерлер палатасының ғимаратында түсірілген болатын.

«Бұл орталық маңғыстаулықтарға жан-жақты қолдау көрсетуге дайын және барлық жұмыстар «бір терезе» қағидасы бойынша жүргізіледі. Тұрақты түрде форумдар, семинар-тренингтер, бизнесті жүргізу және экономиканың түрлі саласы бойынша көптеген шаралар өткізілетін болады. Бұл кәсіпкерлер үшін жаңа мүмкіндіктер ашады және ең алдымен ауылдағы бизнесмендер үшін аса қажет екендігі сөзсіз. Себебі олар бұл орталықта сапалы қызмет түрлеріне қол жеткізеді, яғни, өзінің уақытын және басқа да ресусртарды үнемдейді», – деді Маңғыстау облысы кәсіпкерлер палатасының директоры Жаңбырбай Доспаев.

Бұл еліміздегі ең ірі кәсіпкерлерге қызмет көрсету орталығы және көлемі бойынша оған тең келетін орталық әзірге жоқ. «Атамекен» ҰКП Басқарма төрағасы Абылай Мырзахметовтың айтуынша, алдағы уақытта дәл осындай орталықтарды әр облыста ашу көзделіп отыр. Ол үшін Премьер-Министр Кәрім Мәсімовтің атына осындай шараларға қолдау көрсету туралы ұсыныс жолданады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар