Қазақстан Қытайдан 112 млрд теңге қарыз алмақ

ҚР Қаржы министрі Әлихан Смайыловтың айтуынша, Қазақстан мен Өзбекстан шекарасында проблема көп. Мәселен Қазақстан жағындағы өткізу бекетінде күніне 70-тен 300-ге дейін автокөлік жиналып қалады да, тасымалдаушылар 3 тәулікке дейін күтуге мәжбүр дейді ол. Ал бұл олқылықтың орнын толтыру үшін Бірыңғай автоматтандырылған дәліздер құрылуы керек. 

- Несие сомасы 2 млрд юань (112 млрд теңгеден астам). Кредит юань бағамымен және жылына 2%-ды құрайды. Несиені қайтару мерзімі 20 жыл. Алғашқы 5 жылда тек пайыздарын, кейін қаржының өзін төлейміз, – дейді министр.

Алынған несиеге автокөлік жолдарындағы 9 бекет және теміржолдағы 1 бекет жаңартылады. Жоба жұмыстары жыл соңында басталып, 2022 жылы аяқталады. 

Айта кетейік, бұл келісімге мемлекет басшысы Нұрсұлтан Назарбаев 2018 жылдың маусымында Пекин сапары барысында қол қойған болатын.