Экономика 10.03.2020 сағат 12:20

Астана LRT жеңіл рельсті көлік жобасының келешегі не болады? - министр жауабы

Әріптесінің жауабының ізін ала сөз сөйлеген Ұлттық экономика министрі Руслан Дәленов те жобаға қатысты нақты шешім қабылданбағанын растады.
Астана LRT жеңіл рельсті көлік жобасының келешегі не болады? - министр жауабы
Фото: Kapital.kz
Бөлісу
Бөлісу
Бөлісу

Қазақстанда республикалық бюджет шығыстарының оңтайландырылып жатқаны белгілі. Осы жұмыс шеңберінде елордадағы Астана LRT жеңіл рельсті көлік жобасының келешегі не болады? Бұл сұрақ бүгін Үкіметтің баспасөз орталығында Ұлттық экономика министрі Руслан Дәленов пен ҚР бірінші қаржы вице-министрі Берік Шолпанқұловқа қойылды, деп хабарлайды ҚазАқпарат.

«Қазіргі уақытта Есеп комитетінің Астана LRT жобасына қатысты кеңесі Үкіметке келіп түсті. Қазір қарауда жатыр. Алдағы уақытта дәлелдемелер мен кеңестер кеңінен талқыланады. Осыдан кейін жобаны жалғастыру немесе жалғастырмау жағына қатысты шешім қабылданады», - деді ҚР бірінші қаржы вице-министрі Берік Шолпанқұлов.

Әріптесінің жауабының ізін ала сөз сөйлеген Ұлттық экономика министрі Руслан Дәленов те жобаға қатысты нақты шешім қабылданбағанын растады.

«Астана LRT – жергілікті бюджеттің, яғни қаланың жобасы. Сол үшін бұл ретте қаламен (әкімдігімен) кеңескен абзал. Қазір нақты шешім қабылданғалы отыр. Себебі бұл жобаны жүзеге асырудың артықшылықтары мен кемшіліктері де бар. Бәрі өлшеніп, қазіргі жағдайға байланысты шешім қабылданады», - деді ол.

Еске салсақ, Президент былтыр күзде LRT құрылысын жеделдетуді және оған қатысты істі тергеуді тапсырған болатын.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар