Экономика 06.09.2020 сағат 03:50

Коронавирустың кесірінен Қазақстан мұнайдың 1,6 трлн теңгесін жоғалтты

Келесі жылы Үкімет мұнай табыстарына сүйенбей, шикізаттық емес сектордағы салық базасын ұлғайту бойынша жұмыс істей бастамақ.
Коронавирустың кесірінен Қазақстан мұнайдың 1,6 трлн теңгесін жоғалтты
фото: aikyn.kz
Бөлісу
Бөлісу
Бөлісу

Пандемияға байланысты Қазақстанның мұнай саласындағы табысы 46%-ға төмендеді, деп хабарлайды Azattyq Rýhy, LS-ке сілтеме жасап.

Премьер-министрдің бірінші орынбасары Әлихан Смайылов пандемияға байланысты елдің қанша жоғалтқанын айтты.

«Мұнай саласына келетін болсақ, осы жылдың 8 айының қорытындысы бойынша, өткен жылмен салыстырғанда кірістер 46%-ға немесе 1,6 трлн теңгеге төмендеді», - деді ол.

Сонымен қатар, мұнай экспортынан кедендік баж салығы өткен жылмен салыстырғанда 350 млрд теңгеге қысқарған.

«Жыл соңына дейін біз мұнай бағасын барреліне 20 доллар деңгейінде жоспарладық. Сондықтан мұнай секторынан қандай да бір түсімді ойламаймыз. Келесі жылы мұнай бағасы бұл мөлшерден біршама жоғары болады деп жобалап отырмыз», – деп атап өтті вице-премьер.

Ол бүгінде Үкімет экономиканы қалпына келтіру бойынша кешенді жоспарды жүзеге асырып жатқанын еске салды. Тиісінше, келесі жылы Үкімет мұнай табыстарына сүйенбей, шикізаттық емес сектордағы салық базасын ұлғайту бойынша жұмыс істей бастамақ.

Еске сала кетсек, «ҚазМұнайГаз» ұлттық компаниясының таза пайдасы 2020 жылдың І жартыжылдығында өткен жылдың сәйкес кезеңімен салыстырғанда 96,7% -ға төмендеп кеткен.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар