Экономика 21.09.2020 сағат 10:20

Қазақстанда бірнеше банк жабылу алдында тұр

Шотты ашпас бұрын, қаржы институтының Қазақстанның депозиттерге кепілдік беру қорына мүшелігін анықтап алу керек.
Қазақстанда бірнеше банк жабылу алдында тұр
Фото: prodengi
Бөлісу
Бөлісу
Бөлісу

Қазақстанда бірнеше банк таратылу алдында тұр, деп хабарлайды «Хабар 24».

Бүгінге дейін елімізде 130-дан аса екінші деңгейлі банк таратылған. Оның бірі – Тенгри банк еді. Тағы алтауы лицензиядан айырылғалы тұр. Банк мәселелері бойынша тәуелсіз сарапшы Нұржан Бияқовтың айтуынша, Азия Кредит пен Кэпитэл Банктың жағдайы мәз емес. Қаржылық тұрақсыздыққа байланысты олар бірігуді көздеп отыр. Бірақ қаржы институттарының қайтарылмаған несие үлесі басым. Сондықтан лицензияны сақтап қалу мүмкін бе?

Ақшаңызды бірнеше банкте сақтаңыз

Қазір еліміздегі 27 екінші деңгейлі банк салымшыларының депозиттері заңмен қорғалады. Бұл тізімге ислам банктері кірмейді. Сондықтан шотты ашпас бұрын, қаржы институтының Қазақстанның депозиттерге кепілдік беру қорына мүшелігін анықтап алу керек. Әйтпесе, бар жинағаныңыздан айырылуыңыз мүмкін. Мамандардың айтуынша, әлемнің 140 елінде депозитті сақтандыруға кепілдік беру тәжірибесі бар. Десе де, экономистер ақшаңызды бір емес, бірнеше банкте сақтауға кеңес береді. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар