Экономика 10.10.2016 сағат 12:00

Қаржы министрі бүгінге дейін 2,7 млрд теңгенің мүлкі заңдастырылғанын айтты

ҚР Қаржы министрі Бақыт Сұлтанов мүлікті заңдастыру бойынша акцияның аяқталуына үш айға жуық уақыт қалғанын мәлімдеді.

Бөлісу
Бөлісу
Бөлісу

«2016 жылдың 30 қыркүйектегі жағдай бойынша 2,7 трлн теңге заңдастырылды, оның ішінде 853,2 млрд теңге – мүлікті заңдастыру, 1 813,8 млрд теңге – ақшаны заңдастыру», – деп мәлімдеді ҚР Премьер-Министрі Бақытжан Сағынтаевтың төрағалығымен Қазақстан Үкіметінің селекторлық режимдегі кезекті отырысында қаржы министрі Б.Сұлтанов.

Оның айтуынша, бұл сома республика аумағында орналасқан заңдастырылған мүлікті қамтиды – 104 903 нысана және 846,3 млрд теңгені құрайтын құнды қағаздар, сондай-ақ шетелдік мүлік түріндегі 159 нысана және 6,9 млрд теңгені құрайтын құнды қағаздар.

«Өткен рақымшылық капиталының тәжірибесі бойынша заңдастырылған қаражат негізінен акцияның соңғы 2-3 айында келетінін байқадық. Мәселен, өткен 2006-2007 жылдарғы заңдастыру кезінде заңдастырылған барлық қаражаттың 75 пайызы соңғы тоқсанында келді. Осыған байланысты, жыл соңына дейін заңдастырылған капитал мөлшері айтарлықтай өседі деп күтілуде», – деді Қаржы министрлігінің басшысы.

Б.Сұлтанов сондай-ақ, өткен жылы банк шоттарына енгізілген қаражаттың орташа мөлшері 6,3 млрд теңгені, ал осы жылдың соңғы тоқсанында 250 млрд теңгені құрағанын айтты.

Министрдің мәлімдемесіне сәйкес, заңдастыру үшін барлығы 4 201 арнайы банк шоты ашылған. Банк арқылы аударымсыз, яғни арыз түрінде барлық жиынтықтың 10 пайызын бюджетке төлеу арқылы барлығы 6,4 млрд теңгені құрайтын қаржыны 60 адам ғана заңдастырған.

«Заңға өзгеріс енгізілгенге дейін 10 айдың қорытындысы бойынша әкімдік алдында комиссия арқылы мүлікті қаржыландырудың орташа айлық қарқыны 48 млрд теңгені құрады. 2015 жылдың желтоқсанымен салыстырғанда, яғни заңнаманы ырықтандырудан кейін орташа есеппен 2 есеге өсті», – деді Б.Сұлтанов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар