$ 443.85 € 474.3 ₽ 4.8
Қазақстандағы Street Workout федерациясының вице-президенті Ислам Бадургов пен "Болашақ" бағдарламасының стипендианты Салтанат Керімбаева биыл Астанада өтетін ЭКСПО халықаралық көрмесіне танымал Голливуд актеры Арнолдь Шварценеггерді шақырды. Бұл туралы Ислам Бадургов өзінің Facebook-парақшасында мәлімдеп отыр.
Айта кетейік, бүгін Оңтүстік Калифорния университетінде білім саласын дамытуға арналған саммит өтті. Аталған шараны Шварценеггердің өзі ұйымдастырған.
"Саммиттің ресми бөлімі аяқталғаннан кейін мен Арнимен бетпе-бет қалып, жеке әңгімелесуге мүмкіндік алдым, өзіміздің қозғалыс жайында айтып, пайдалы кеңес алдым. Өте керемет болды. Шварценеггерді биыл Астанада өтетін ЭКСПО-2017 көрмесіне шақырдық", - делінген Бадурговтың жазбасында.
Оның атақты актермен кездесіп, жеке әңгімелесуіне "Болашақ" студенті Салтанат Керімбаева көмектескен.
