«Халық емшісі» науқас баланы уқалаймын деп өлтіріп алды

Ресейдің Нижегородской облысының Константиново ауылында«Халық емшісі» науқас балаға массаж жаймын деп өлтіріп алды деп жазады Life.ru.

Емді невролог дәрігерден алуы керек болған сәбиді ата-анасы емшіге апарған. Әйел баланың мойнын уқалап жатып қатты бұрып жіберген. 4 айлық нәрестенің жағдайы одан әрі ушығып, ауруханадан бір-ақ шықты. Алайда дәрігерлер оның өмірін аман алып қала алмады.

«Халық емшісінің» массаж жасауға да рұқсат қағазы болмай шықты. Осы оқиғаға байланысты тергеу амалдары басталды. Бірақ әйел кінәсін мойындамай отыр.